Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
79. Stephani an Abt Bernhard Gemelich in Obladis
[Stams], 16. August 1646
Obwohl die Rückreise des Abtes kurz bevorsteht, muss ihn Stephani dennoch in einer
dringenden Angelegenheit kontaktieren: Aus Brixen ist unangekündigt der
General-Vizevikar Christoph Kircher zusammen mit dem Konsistorialnotar Michael
Steiner nach Stams gekommen, der Stephani von der Visitation der Stamser Pfarrkirche
in Kenntnis setzte. Stephani protestierte gegen dieses Vorgehen heftig. Doch mit
Verweis auf das Kirchenrecht setzte der Vizevikar eine Frist von sechs Tagen fest.
Stephani solle die Visitation akzeptieren und sich nach Telfs begeben. Bei
Zuwiderhandlung drohen Kirchenstrafen. Stephani bittet nun den Abt um Hinweise für
das weitere Vorgehen.
Ad dominum nostrum in fonte acidulo constitutum, 16. Augusti 1646.
Reverendissime in Christo, observandissime pater ac domine
(1) Tametsi reverendissimam pietatem vestram brevi admodum ad nos incolumem redituram
non dubitem, intermittere tamen non potui, quin praeoccupato eiusdem adventu
personali litteris eam prius adhuc compellarem urgente ad hoc negotio, quod
Brixinenses facessunt. (2) Appulit hodie ex improviso sub horam septimam
vicevicarius generalis Christophorus Kircher una cum notario consistoriali Michaele
Stainer, qui recta me conveniens mandatum illustrissimi principis sui
visitationem[ERROR: no reftable :] visitationem] Die Frage, wer das Visitationsrecht
in der Stamser Pfarrkirche hat, der Bischof von Brixen oder der Abt von
Stams, war im 17. Jh. eine heftig umstrittene. In zahlreichen späteren
Briefen ist davon noch die Rede. ecclesiae nostrae
parochialis ad sanctum Ioannem pluribus mihi oretenus exposuit, cui ut par esset
exsequendo, iam iam se ad procinctum operis faciundi perrectum asseruit. (3) Sed cum
ritu ac more debito protestarer adversus eiusmodi attentatum reclamans ac omnimodis
contradicens, ille sententiam quandam rotalem anno 39 contra nos pro episcopo latam
sub cardinale Carillo etc. allegans terminum peremptorium sex dierum mihi praefixit,
intra quem super admissione visitationis me resolverem eoque evoluto in canonica
Telfensi me sisterem, addens, si comparere abnuerem, alio novem dierum termino
peremptorio praestituto atque elapso me, et quotquot ex nostris animarum curam
hactenus exercentes coram visitatoribus non se stiterint, sententias
excommunicationis, suspensionis et interdicti realiter et ipso facto incursuros. (4)
Porro cum insinuationem scripto comprehensam, sed sub alio titulo a vicevicario
obtrusam, per incuriam et non praevia eiusdem revisione ad manus cepissem -- F34r --
cognita versutia, eidem e monasterio vixdum digresso et in Silz tendenti, eam ocius
per iudicem nostrum remisi, sed ab ipso non acceptatam, sub alienae manus syngrapha
et sigillo eam ad parochum Telfensem ablegavi, quasi epistulam Oeniponto venientem
et vicevicario praesentandam, quam hoc modo a nobis amoliti, in aeternum amplius non
recipiemus. (5) Quia vero cras vel perendie vestram maturius reducem aut saltem
consulentem nobis, qua via et ratione perversis Brixinensium machinamentis obviare
et virili resistere valeamus.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|