71. Stephani an Kooperator Johannes Schnürlin in Mais [Stams], 22. Juni 1646 Stephani bedauert es, dass er aufgrund seiner Zeitnot nicht öfter an Schnürlin schreiben kann. Stephani selbst geht es bis auf eine kleine Magenverstimmung gut, Pater Matthäus [Wilhalm] jedoch leidet nun fast schon ein Jahr an seiner Fußschwellung. Eine Behandlung in Innsbruck kostete jüngst acht Gulden, der verstorbene Stamser Bader Johannes Berchtold hätte es für einen Gulden gemacht. Auch um Bruder Christoph [Haring] steht es nicht gut, Stephani will aber im Moment nicht zu viel verraten, um dessen Eltern nicht zu beunruhigen. Ad patrem Ioannem Schnürl in Mais, 22. Iunii 1646. Venerabilis ac religiose pater, confratrum dilectissime

-- F31r --

(1) Angustia temporis coarctatus scribere, quae volebam, non potui, sed tantum brevissime notifico reverentiae vestrae traditam mihi fideliter ab harum relatore epistulam suam, uti candidam, ita affectum fraternae benevolentiae non obiter spirantem. (2) In qua quod de raritate ad me datarum tangitur, non est, quod reverentiam vestram sollicitam habeat; neque nam ego maiorem in scribendo sedulitatem aut frequentiam hactenus ostendi, quamvis non tam vitio meo, quam temporis ut plurimum et opportunitatis defectu. (3) Consuetudinis nostrae et amicitiae veteris interim oblitus numquam sum nec verificari de nobis velim illud tritum: qui procul ex oculis, hic quoque mente procul.

(4) De valetudine mea (sicut laus Deo) nihil est, quod querar, praeter infirmitatem stomachi frigentis malum iam apud me inveteratum. Reliqui porro fratrum sospites vivunt et vigent excepto patre Matthaeo,[ERROR: no reftable :] patre Matthaeo] Gemeint ist Pater Matthäus Wilhalm (vgl. Album Stamsense Nr. 431). qui ex tumore pedum hydropico etiamnum valetudinarius infirmatorium iam prope per annum incolit, etsi lecto non affixus. (5) Is nuper Oeniponti e medicorum consilio et praescripto duobus cauteriis, in bracchio et tibia, insignitus est, pro quibus conficiendis chirurgus novem florenos depoposcit, quae noster quondam balneator Ioannes Berchtold, si adhuc viveret, pro floreno forsitan aut summum Philippeo libens parasset.

(6) Circa fratrem Christophorum[ERROR: no reftable :] Christopherum] Gemeint ist Bruder Christoph Haring (vgl. Album Stamsense Nr. 446). res taliter se habet, ut omnes meliora optaremus; de cuius statu nihil hactenus vobis scripsi, ne bonos eius parentes contristarem, proxime tamen pluribus perscribam. Interea reverentia vestra cum religiosis suis consodalibus fraterne salutata bene valeat ac fratrum Stambsensium (siqua benefaciendi affulserit occasio) immemor non existat.