| Welcome to PhiloLogic |
| home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
500. Stephani an Abt Augustinus Haas in Bozen
[Stams], 25. Dezember 1666
Stephani schickt die gewünschte Abschrift mit. Der Pater Professor hatte die Idee,
den geplanten Archetyp Kaiser [Leopold I.] zu widmen, und hat schon einen Vorschlag
ausgearbeitet, der beiliegt. Herr Reinhardt ist schneller als erwartet wieder nach
Stams gekommen. Die versprochene Summe von 1754 Gulden hat er pflichtgemäß
abgeliefert. Stephani bedauert die Abwesenheit des Abtes gerade zu Weihnachten. Ein
neuer Brief aus Kaisheim veranlasst Bruder Gottfried, doch noch länger in Stams zu
bleiben.
Reverendissime in Christo pater, observandissime domine domine (1) Petitam epigraphen seu subscriptionem pro futura fabricae nostrae monasterialis in cupro declinatione praesentibus his submitto, ignarus omnino ac dubius, num ad mentem reverendissimae pietatis vestrae rite concinnata sit. (2) Contuli quoque hoc super negotio cum patre nostro professore, cui cogitatio in mentem venit futurum forsitan, ut reverendissima pietas vestra novum hoc coenobii nostri incisum archetypon augustissimo Caesari[ERROR: no reftable :] augustissimo Caesari] Gemeint ist Kaiser Leopold I. ceu moderno protectori nostro et advocato dedicatum iret ac proinde in eiusmodi eventum dedicationis formulare composuit, quod simul hic inclusi, reverendissimae pietatis vestrae erit eligere, quod placuerit. (3) Dominus Reinhardt citius opinione sua ad nos appulsus est, die scilicet 23. Decembris, sperans adhuc in pervigilio nativitatis domum suam et suos revisere. (4) Summam, quam spopondit, 1754 florenorum integra fide exsolvit atque ad manus meas in sequestrum dedit. (5) Sane domicilium prioratus tantus nummorum acervus numquam subintravit, quantus modo a me in deposito custoditur. (6) Aegre admodum toleramus absentiam reverendissimae pietatis vestrae, quod ad sacras ferias natalitias et imminens novi anni auspicium eiusdem nobis conspectu gaudere non liceat, iam ultra anni quadrantem eodem orbatis. (7) Ferendum tamen est, quod superis disponentibus mutari non potest. (8) Iam in eo eram, ut has clauderem, cum ex Caesarea post diuturnum silentium superveniunt litterae non tenoris aut argumenti, quod exspectabamus, sed ingratae cantilenae, siquidem fratri Godefrido, quem dudum avocatum optassemus, hiberna apud nos stativa indicunt. (9) Responsione aliqua in praesens opus non esse iudico. (10) Dedi ipso nati salvatoris die vergentis anni 1666.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |
|||||
