48. Stephani an Abt Bernhard Gemelich in Innsbruck [Stams], 28. Mai 1645 Vor fünf Tagen brachte der Richter von Wertach das Gesuch des Pfarrers von Rettenberg, Christoph Bach, nach Wertach versetzt zu werden, nach Stams. Der Richter sprach sehr lobend über Bach. Der Grund der gewünschten Versetzung könnte darin liegen, dass der Weg zur Kirche von Rettenberg sehr beschwerlich ist und dass Bach die Mühen der Ernte nicht mehr auf sich nehmen kann. Pater Fulgentius aus Sölden schickte einen Kelch nach Stams mit der Bitte, ihn bei einem Innsbrucker Goldschmied reparieren zu lassen, was Stephani sofort veranlasste. Ad dominum abbatem nostrum Oeniponti morantem in comitiis, 28. Maii 1645. Reverendissime in Christo pater, observandissime domine

(1) Quintus abhinc dies iam fluxit, cum his inclusas tulit ad me senex grandaevus, iudex Wertacensis, directas[ERROR: no reftable :] directas] Stephani hat auf diesen Brief direkt geantwortet (= ep. 47). a reverendo domino Christophoro Bach,

-- F23r --

curione in Rettenberg, qui parochia sua, licet pinguiore, posthabita tenuiorem praeeligit, parochus in Wertach fieri desiderans. (2) In eius commendationem multa audivi ex praedicto sene mirifice illum depraedicante; cuius testimonio si res et facta consonent, clericus est promotione, quam flagitat, oppido dignus. (3) Est nam relatu praenominati senis et iudicis vir doctus, sobrius, in cura pastorali vigil et sedulus, qui parochianos suos durante hactenus bellicorum tumultum turbine licentiores factos atque a pietate Christiana iam ferme intepentes rursum ad meliorem vitae formam ordinemque reduxerit et defacto morigeros ac devotos in officio sine difficultate contineat. (4) Cur porro is ecclesiam suam, quam moderne adhuc possidet, censu ditiorem deserere et Wertacensem annuis proventibus macriorem amplecti cupiat, causam (praeter eam, quam scripto ipse parochus reverendissimae pietati vestrae insinuavit) ex saepius dicto litterarum illius latore hanc intellexi, quod scilicet in Rettenberg canonicum seu parochiale domicilium in edito situ non modo molestiam generet sacerdoti ex ascensu montis multoties per diem fatigari solito, verum etiam (quod gravius accidit) cum sata terrae et fructus agrorum temporibus suis in horrea inferenda sunt, non sine multo labore ac difficultate quidpiam eo advehi possit etc.

(5) Pater Fulgentius ex Sölda hesterna calicem ad me misit rogitans, ut eum Oeniponti suis vel parochianorum impendiis refici curarem, atque a reverendissima pietate vestra nova rursum consecratione donatum, ocius ac fieri posset, remitterem; quem proinde harum baiulum ad aurifabrum nunc destino parvo, ut arbitror, negotio et sumptu tenui reparandum. (6) Atque haec properantissime sub noctis crepusculum.