Welcome to PhiloLogic  
   home |  the ARTFL project |  download |  documentation |  sample databases |   
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Previous Section

Next Section

47. Stephani an Christoph Bach, Pfarrer in Rettenberg [Stams], 24. Mai 1645 Christoph Bach, der Pfarrer von Rettenberg, hat sich mit einem Ansuchen an Stephani gewandt, dem dieser jedoch nicht ohne die Zustimmung des Abtes nachkommen kann. Da dieser aber im Dienst für das Vaterland in Innsbruck weilt und nur selten nach Stams kommt, empfiehlt ihm Stephani, sich direkt in einem Brief an den Abt zu wenden. Ad reverendum dominum Christophorum Bach, parochum in Rettenberg, supplicantem pro beneficio in Wertach,[ERROR: no reftable :] Wertach] Primisser bemerkt (cap. 42 § 4), dass 1640 die Pfarre Wertach vakant war und durch Johannes Wölflin besetzt wurde. 24. Maii 1645. Multum reverende et honorande domine

(1) Litteras reverentiae vestrae contradidit mihi harum relator, n.n. 24. huius mensis, quibus perlectis laudatissimum reverentiae vestrae votum petitionemque perspicue intellexi, cui tamen pro nunc temporis satisfieri prorsus non poterat absente nimirum reverendissimo abbate nostro, qui totum iam anni quadrantem, vel siquid amplius, in publicis patriae negotiis desudans Oeniponti moratur, vix semel iterumve toto hoc intercalari spatio tantum indulgentiae ac remissionis adeptus, ut monasterio revisendo unum vel sesqui diem comitiali curiae sese subducere sineretur. (2) Eum vero licet ad ferias pentecostes reducem expectemus, ubi litteras reverentiae vestrae praesenti ad manus consignare possem, gratius tamen nihilominus reverentiae vestrae fore non ambigo, si hunc eius adventum praeveniens epistulam praetactam seposita longiori cunctatione confestim illi Oenipontum transmittam, quo citius desiderio reverentia vestra potiri valeat suo. (3) Interim reverentia vestra in spe et expectatione patienter perduret; quae si data opportunitate in coram se sistere potuisset, non ingratum id ego praesuli nostro futurum fuisse auguror. (4) Atque haec paucula reverentiae vestrae hic et nunc responsionis loco a reverendissimo expectatae pro amico obsequio rescribere et intimare volui.

Previous Section

Next Section


Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Powered by PhiloLogic