49. Stephani an Abt Bernhard Gemelich in Innsbruck [Stams], 18. Juni 1645 Die Stamser Gemeinschaft vermisst ihren Abt. Der Kelch für Sölden ist angekommen, Stephani ist mit der Reparatur jedoch nicht zufrieden. Die in Hall im letzten Monat eingekauften Waren sind eingetroffen, Stephani bittet nun, das Fass öffnen zu dürfen. Das Wetter spielt verrückt, einige schwere Stürme haben das Land getroffen. Paul Kirchhammer ist zu Besuch gekommen, um Novizen zu besuchen; dass er seine Tochter mitgebracht hat, störte vor allem den Kellner. Ad eundem ibidem constitutum, 18. Iunii 1645. Reverendissime in Christo pater, observandissime domine

(1) Quadrimestri hactenus spatio, quo reverendissimam pietatem vestram negotia publica Oeniponti distinent, etsi praesentiam eiusdem reverendissimae pietatis suae numquam non desideravimus, tamen tunc multo maxime absentiam eiusdem gravius ferimus, cum ecclesia pro Christo et sanctis eius festine solemnizat. (2) Proinde ad nuperas pentecostes ac praecipue corporis Christi sacratas ferias reditum reverendissimae pietatis vestrae non tam speravimus, quam certo et quasi sine haesi

-- F23v --

tatione omnes expectavimus. (3) Calicem ecclesiae Söldensis ratiarius noster Barrabas ante dies 14 ad me retulit quidem, sed ita fere adhuc vacillantem, ut prius, nescio num neglectu aurifabri, an incuria portitoris.

(4) Merces in Halensibus nundinis mense superiori coemptae sabbatho pentecostes primum dolio satis grandi advectae sunt, quod ego iam reseratum peroptarem, ad extrahendum inde pannum nigrum, quem pro cucullis iam plures praestolantur. (5) Quodsi reditum reverendissimae pietatis vestrae praeter omnium nostrum spem et opinionem denuo diutius retardari contingeret, supplicatum irem pro gratiosa licentia vas praedictum interim aperiendi et paucula, quae pro conventu tunc comparaveram eximendi, salvis per omnia reliquis et intactis permansuris.

(6) Tempestates hoc anno vigiles ac providos faciunt aedituos, quippe quae tam subito interdum et inopinato ingruentes excidium segetibus intentarent, ni campanarum pulsu et consuetis ecclesiae benedictionibus tempestive arcerentur. (7) In districtu Özensi grando non ita pridem gravem agris ruinam intulit, ita ut multi, praesertim monticolae, siliginem prope totam solo tenus demetere ac novam posteris diebus sementem iacere sint coacti. (8) Apud nos nuper in solemnitate mysterii eucharistici ante meridiem durante adhuc processione tempestas satis horrida supervenit, quae tamen sine pluvia et grandine brevi desiit, tonitru tantum et fulgure minax.

(9) Dominus Paulus Kirchamer tyrones suos fratres nostros cornicines revisurus ac coeptam cum iis scholam[ERROR: no reftable :] scholam] Als unter Abt Thomas Lugga 1616 Pater Wolfgang Lebersorg Prior wurde, installierte er eine neue Klosterschule in Stams (vgl. Amman 11974, 54). postliminio repetiturus quinto huius mensis ad nos rediit, sed rursus cum appendice, filia sua Apollonia, quam pater cellarius noster abesse quam adesse mallet ob culinae gravamen etc. (10) Clementissimus Deus (quod unice optamus) brevi revrendissimam pietatem vestram sanam et incolumem remeare faciat ad propria.