Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
449. Stephani an Bernhard Gasteiger
[Stams], 7. September 1663
Abt Haas hat Gasteigers Brief vom 24. August empfangen, auf den zu antworten er
Stephani angewiesen hat. Gasteiger behauptete, schon oft um Aufnahme in Stams
gebeten, jedoch nie eine Antwort erhalten zu haben. Dabei war Gasteiger kürzich
persönlich in Stams, wo man ihm mitteilte, dass er nicht aufgenommen werden könne.
Er soll mit Briefen nicht weiter seine Zeit verschwenden.
Ad Bernardum Gasteiger, 1663, 7. Septembris.
Salutem et omnem prosperitatem dilecte Bernarde
(1) Ultimas tuas 24. Augusti datas rite accepit reverendissimus noster,
[ERROR: no reftable :]
reverendissimus noster] Gemeint ist Abt Augustinus Haas.
cuius iussu paucis tibi respondeo. (2) Quod scribas te iam saepius tum scripto tum
coram supplicem nobis factum pro ordinis et habitus nostri susceptione nec tam
umquam responsum aliquod tulisse, cum interim multas alias occasiones negligeres
etc., miramur vehementer, qua id fronte scribere ausus sis, siquidem ante tot iam
menses, nempe in hebdomade pentecostes, quando in Stambs et personam tuam et
supplicem nobis libellum praesentaveras, per patrem oeconomum sive cellerarium
nostrum diserte tibi denuntiavi petitionis tuae repulsam te passum esse patresque
conventus nostri unanimiter sententiam contra te negativam conclusisse idque
diversas ob causas, ab eodem patre cellario meo nomine tibi rotunde patefactas,
quarum postrema non fuit, defectus oculorum in te deprehensus. (3) Ne igitur
diutius, ut in litteris tuis causaris, tempus et aetatem perdas, hisce tam ex parte
reverendissimi domini abbatis, quam totius venerabilis conventus nostri aperte et
categorice tibi indicatum esto te in coetum monasterii nostri neque pro nunc neque
in tempus posterius suscipiendum fore. (4) Quare rebus tuis alia ratione prospicies!
Vive et vale!
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|