Philologic Results

396. An den Abt Thomas II. Schwab von Salem Mais, 13. Oktober 1660 Im Namen von Abt Augustinus Haas: Mit leichter Verzögerung kam der Brief aus Salem zu Abt Haas, der nicht in Stams, sondern in Mais bei der Ernte weilt. Haas bedankt sich für die Gratulationen zur Abtwahl. Er braucht Abt Schwab aber nicht erst zu erklären, welche Mühen und Arbeiten mit dieser Ehre verbunden sind. Andererseits freut sich Abt Haas darüber, dass es Abt Schwab gelungen ist, die langen Streitigkeiten mit dem Grafen Fürstenberg beizulegen, wie er ihm der Abt von Wiblingen erzählte. Was die Schulden in Höhe von 1000 Gulden betrifft, soll sich Abt Schwab noch etwas gedulden. Vom Regelhaus in Innsbruck sind keine Zahlungen zu erwarten.

-- F172v --

Ab abbatem Salemitanum, nomine abbatis nostri, 13. Octobris 1660. Reverendissime in Christo pater, amplissime praesul, observandissime domine domine Salutem ignotam adhuc quidem, sed ad affectum amicitiae propensissimam

(1) Suavissimas litteras reverendissimae pietatis vestrae serius paulo accepi, quod illae in monasterio Stambsensi, ad quod perlatae fuerant, me amplius non offenderint, iam ad vindemias profectum, unde et aliquanto tardius a me subsequi responsum reverendissima pietas vestra facile, spero, ignoscet. (2) Gratulationem et applausum, quo reverendissima et amplissima dominatio sua mihi de adepta novi muneris dignitate tam festive aggratulatur, eatenus libenter et cum summa gratiarum actione suscipio, quod videam tantum praesulem meam tenuitatem non dedignari, quin ultro ad futurae amicitiae et caritatis foedera mihi aditum patefaciat. (3) Alias vero de tali non tum honore quam onere humeris etiam robustissimus formidando ac tot curarum aculeis referto, nemini prolixe gratulandum esse reverendissima pietas vestra perspicacius ipsa novit eodem remigio dudum exercita.

(4) Interim plurimum laetor ansam mihi oblatam reciproce (quamvis alio ac meliori genere gratulationis) reverendissimae pietati vestrae applaudendi, quod scilicet, ut in monasterio meo retulit dominus abbas Biblingensis,[ERROR: no reftable :] dominus ... Biblingensis] Gemeint ist Abt Benedikt Rauh von Wiblingen. reverendissima amplitudo sua cum comite Firstenbergio post tot annorum gravissimas lites et guerras, tandem felici treuga transegerit pactis utrimque tam a sede apostolica quam ab imperatore solemnissime confirmatis. (5) Certe animitus gratulor et gaudeo reverendissimae pietati vestrae,

-- F173r --

quod hanc gloriosam pacem in diebus suis videre meruerit.

(6) Denique ad debitum mille florenum et census inde coacervatos quod attinet, etsi praeclarus mihi favor exhiberetur, pecunias illas, quibus in limine gubernationis meae apprime indigerem, adnumerando, si tamen id per iniquiora tempora adhuc reverendissimae pietati vestrae praestitu nimis quam difficile sit, patientiam quam reverendissimus antecessor meus[ERROR: no reftable :] antecessor meus] Gemeint ist Abt Bernhard Gemelich. desuper habuit, prorogare non detrecto sperans amplissimam dominationem vestram, quae tamquam optimus pater familias monasterium suum, ut pridem audivi, iam ducentorum millium nominibus liberavit, in millibus non succubituram.

(7) A domo regulari Oenipontana reverendissima pietas vestra (audeo dicere) nec assem speret, tanta nam egestate et inopia bonae domicellae premuntur, ut nonnumquam vix scutella vini aut buccea panis adsit, qua vescantur. (8) Finio ac reverendissimae pietatis vestrae favori et amicitiae me totum quantum commendo. (9) Dabam ex canonica mea in Mais prope Meranum die etc. reverendissimae et amplissimae dominationis vestrae devotissimus servus.