395. Stephani an Abt Augustinus Haas in Mais [Stams], 9. Oktober 1660 Stephani schickt dem Abt den gewünschten Antwortbrief an den Generalvikar der Kongregation, zwar nicht im Original, aber den Inhalt nach seiner Erinnerung. Warum der verstorbene Abt Gemelich im letzten Advent einen Dispens im Fleischessen ausgesprochen hat, versteht Stephani nicht. Heuer gäbe es ohnehin zu wenig Fische im Kloster, außerdem haben Äbte nach den Rottweiler Statuten kein Recht auf Dispens, den nicht einmal der Provinzialvikar, der Abt von Kaisheim, erteilen kann, von dem solches ohnehin nicht zu erwarten ist. Am heutigen Morgen wurde Frau Zeiler in Silz begraben. Ihre letzten Worte waren: “Jesus, hilf mir!” Dann lag sie fünf Tage lang stumm im Sterben. Zwei Tage nach ihr verstarb ihr Gatte Bernhard Zeiler im 48. Lebensjahr. Die schwangere Tochter der Verstorbenen hat so heftig getrauert, dass man um das Leben des Ungeborenen fürchten muss. Der Pfarrer von Silz hat berichtet, dass Der Kuart von Gries kurz nach einer Messe verstorben ist. Ad abbatem nostrum in vindemiis, 9. Octobris 1660. Reverendissime in Christo pater, observandissime domine domine Salutem humilem et laetum phlebotomiae successum

(1) Submitto, quas reverendissima pietas vestra desiderat, responsales ad congregationis vicarium generalem[ERROR: no reftable :] vicarium generalem] Gemeint ist Abt Thomas II. Schwab von Salem. dirigendas, quas nescio utrum ad

-- F171v --

reverendissimae pietatis suae gustum formaverim, qui litteras Salemitanas ad manum non habui, contentorum in iisdem tantum obiter adhuc memor.

(2) Quibus causis motus ante annum fuerit bonae memoriae abbas defunctus [ERROR: no reftable :] abbas defunctus] Gemeint ist der verstorbene Abt Bernhard Gemelich. ad dispensandum in esu carnium per adventum, mihi certe hactenus non constitit. (3) Hoc unum quidem scio, quod per totum illum adventum nec squamam carpionis (minus alterius piscis) umquam viderimus usque ad ipsam vigiliam nativitatis dominicae. (4) Quodsi domi nostrae (quod ego quidem ignoro) sufficiens adsit proventus butyri ac tempestiva etiam fiat provisio piscium, non video, quomodo iugum huius abstinentiae excutere secure possimus, praesertim cum statuta Rottwilana dispensandi desuper facultatem abbatibus ademerint. (5) Ex quo etiam capite vehementer dubito, num vel ipse reverendissimus abbas Caesariensis, [ERROR: no reftable :] reverendissimus ... Caesariensis] Gemeint ist Abt Georg IV. Müller von Kaisheim. quantumvis vicarius sit provincialis, dispensatoria potestate sit praeditus. (6) Alioquin certe vir est constitutionibus capitulorum nationalium nimis rigorose inhaerens et meo quidem iudicio pumicem rigat, qui ab illo praesule aliquid dispensationis expectat.

(7) Hodiernae diei primo crepusculo, hoc est quadrante post duodecimam nocturnam naturae ac morti debitum suum solvit domina Zeilerin[ERROR: no reftable :] domina Zeilerin] Ein Beweis für den Bezug der Frau zu Stams ist die Episode, die >Primisser cap. 42 § 33 berichtet (vgl. Note zu ep. 242). in Silz, quae praeterita die lunae sancto Francisco festiva cum in comitatu plurimum dominorum Silzensium ac ipsius etiam parochi peregrinata fuisset in Payrwiß ibidemque sacro interfuisset, domum redux pomeridianis horis carminando lino intenta erat,

-- F172r --

adulto autem iam vespere derepente a convulsionibus epilepticis obruta, cum plantis ultra insistere non posset, haec ultima verba inclamavit: “Iesu, adiuva me!” (8) Atque ex tunc nec unicum amplius verbum effata per quattuor dies et quinque noctes sine sensu, sine ullo rationis usu decubuit, donec spiritum exhalavit.

(9) Anno aetatis 48. maritus Bernardus Zeiler, quem gravius nihil afflixerat, quam quod uxor testamentum non condidisset, biduo post lecto prostratam coniugem eodem fere morbi genere correptus summe et ipse periclitatus est, sacro oleo extremum iam inunctus ac nudiustertius vomitu sanguinis propediem fere suffocatus. (10) Opitulante tamen nunc doctore Camerlander spes adhuc aliqua revalescendi affulget. (11) Filia defunctae (conchoralis Abrahami Reinhard in Sonnenstein) uterum ferens ac unico tantum mense a partu distans prae luctu et lamentis tantum non crines sibi evellit, incertum quo commodo vel damno fetus sui in utero.

(12) Intellexi insuper heri ex Silzensi parocho elapsa superiore septimana curatum in Grieß, dum ad aram sacris operaretur, subitanea morte fuisse praeoccupatum, nam cum post sanctae hostiae et calicis elevationem consuetam genuflexionem facere pararet, in ipsa curvatione genuum apoplexia, uti opinandum est, tactus in latus toto corpore vergere coepit moxque ab ipso aedituo atque alio quodam viro accurrente, ne terrae illideretur, inter bracchia exceptus confestim exspiravit. (13) Sed ne reverendissimae pietatis vestrae animum in sanguinis fortassis minutione hilariorem huiusmodi naeniis obnubilem, claudo epistulam ac reverendissimam pietatem vestram nosque una omnes supremi Numinis clementissimae protectioni commendo.