339. Stephani an Abt Bernhard Gemelich in Mais [Stams], 19. November 1657 Stephani wendet sich auf Bitten des Wolfgang Frickinger an Abt Gemelich: Dieser möchte nach seiner Priesterweihe mit dem Kirchenpfrund in Haiming belehnt werden, um nicht weiterhin von seinen Eltern abhängig zu sein. Mit dem Geld, das ihm seine Primiz eingebracht hatte, kaufte er sich zwei Kühe, die er im Haus seines Vaters jedoch nicht mehr lange füttern kann, da sein Vater das Heu verkauft hat. Der Pfarrer von Silz ist über diese Entwicklung wenig glücklich und ist deswegen nicht einmal zu Frickingers Primiz gekommen. Stephani erwartet sich auch eine Entscheidung des Abtes in der Frage des Fastens im Advent. Ad dominum abbatem nostrum adhuc cum Maisensibus nostris fratribus degentem, 19. Novembris 1657. Reverendissime in Christo pater, observandissime domine praesul

(1) Urgeor a Wolfgango Frikinger,[ERROR: no reftable :] Wolfgango Frickinger] Zu dem gesamten Streit vgl. Primisser cap. 42 § 45 Haimingenses quoque litem hoc anno movebant, dudum sopitem licet enim ius praesentandi sacellanum iam anno MDCXXXIII Stamsensi monasterio addixissent; nunc tamen Wolfgangum Frickingerum, iudicis nostri filium, a praesule praesentatum et inductum nolebant admittere, ius patronatus sibi arrogantes. Silzenses item disputabant Stamsensibus ius rationes ecclesiae excipiendi, syndicos ac aedituos constituendi. Cum his concordatum est XVI Kalendas Septembres, ut ius illud ad Stamsenses quidem solos pertineat attamen unus duove de communitate tamquam testes rationibus interesse permittantur. ut reverendissimam pietatem vestram, quam

-- F138r --

hac septimana ad nos reversuram sperabamus, brevi hac epistula mea interpellem. (2) Desiderat ille peractis primitiis suis in possessionem beneficii Haimingensis immitti, quo sua deinceps, et non amplius parentum quadra vivere possit. (3) Quem in finem ex pecunia, quam in primitiarum oblatione collegerat, a propriis parentibus duas vaccas iam coëmit, quas tamen in domo patris diu pascere non poterit, quippe cum iudex faenum suum omne propediem iam distraxerit, cuius plus quam viginti orgyas (Klafter intelligo) vendidisse dicitur. (4) Parochus Silzensis parum affectus esse videtur ad hunc novum suum primissarium, nam nec ad eius primitias (quantumvis ante iurata fide promiserat) comparuit nec fere aequis oculis sustinet, ut is per hebdomadem aut mensem semel iterumve in Haimingen celebret. (5) Ego quid de huius neomystae ad dictum locum promotione sentiam, suo tempore interrogatus oretenus pandam.

(6) Ratione domenici adventus proxime imminentis, quid circa regularem observantiam victus nobis tenendum, suspensi haeremus sperantes vel gratiam dispensationis in esu carnium, pro hoc saltem anno, vel certe benignam provisionem de aliquo genere piscium, si ichthyophagos[ERROR: no reftable :] ichthyophagos] ichtiophagos hs. non fieri omnino oporteat. (7) Atque ab hac dubitatione liberandos nos credimus per reverendissimae pietatis vestrae reditum et praesentiam aut sane per nuntium epistolarem. (8) Dedi raptim ex domo matris 19. Octobris anno 1657.