338. Stephani an Abt Georg IV. Müller sowie den Konvent von Kaisheim [Stams], 16. Oktober 1657 Im Namen des Abtes bedauert Stephani die Vergänglichkeit des menschlichen Lebens. Zwei Todesfälle hat das Stift Stams in diesem Jahr bereits zu beklagen: Christian Praxmarer im Frühjahr und Pater Abraham Roth im Herbst. Für beide wird um frommes Gebet von Seiten der Kaisheimer gebeten. Ad reverendissimum dominum abbatem Caesariensem Georgium et venerabilem conventum eiusdem, 16. Octobris 1657. Reverendissime in Christo pater, amplissime praesul, observandissime domine domine

Admodum reverendi, venerabiles ac religiosissimi patres et fratres

(1) Ah! Ut tenui filo vita nostra contexitur! (2) Quam facile

-- F137v --

rosa fleccescit, tam facile homo occidit. (3) Probe sciunt, qui sacro textui student, post Genesim sequi Exodum et intranti non restare, nisi ut exeat. (4) Testarentur hoc, nisi gleba in ore esset, duo conventus nostri sacerdotes, quorum alter in vere, praesente autumno alter occidit.[ERROR: no reftable :] duo ... occidit] Vgl. >Primisser cap. 42 § 44 Vale dixere item Stamsio simul ac vitae mortali duo sacerdotes nostri bene meriti, Christianus Praxmarer et Abrahamus Rott. Hinc ob sacerdotum penuriam Augustinus Hasius ex Maiis debuit evocari. (5) Ille, Christianus Praxmarer, variis antehac officiis defunctus, nam et granarium et oeconomum et subpriorem pluribus annis egit, demum parochiae nostrae Maisensi in cooperatorem datus, cum vix senas hebdomades ibidem substitisset, ex catarrho occubuit quinquagenarius.

(6) Hic, pater Abrahamus Rott, sanctarum reliquiarum custos et sacrista, qui cum nuperrime (pridie scilicet Kalendarum Octobris) cum aliis patribus sanguinem minueret, repente inter ipsum manantis cruoris fluxum convulsionibus epilepticis invasus est, brevi tamen sibi restitutus et nobis redditus. (7) At ecce, cum iam de aegritudine sibi triumphasse videretur, post aliquantos dies redeuntibus iisdem convulsionibus ac fere sine intervallo continuantibus, tandem 11. huius extinctus est, annum aetatis quadragesimum non excedens. (8) Porro tametsi uterque aeternitatis iter ingressuri viam sibi consuetis ecclesiae sacramentis rite praemunierint, quia tamen iter illud latrunculi obsident, quibus pronum est sub iudice litem movere, utrique adiutrices vestras manus calamo nostro implorant, quos proinde vigore constitutionum reverendissimae et amplissimae dominationi vestrae ceterisque admodum reverendis et religiosis patribus ac fratribus in sanctas preces et solita ordinis suffragia demissius commendamus futuri in simili eventu ad vices rependendas promptissimi.