Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
182. Stephani an Abt Bernhard Gemelich in Obladis
[Stams], 9. August 1650
Stephani schickt dem Abt Abschriften von Urkunden, die vor seiner Abreise nicht
fertiggestellt waren, und bittet ihn, saures Wasser für einige Brüder zu schicken.
Er hofft, dass die Kur dem Abt gut tut, und gratuliert ihm zum Jahrestag seiner
Abteinsetzung. Stephani bittet den Abt, ihm den Generalschlüssel durch diesen Boten
überbringen zu lassen, da keiner Zugang zu den Kerzen hat.
(1) Posteaquam intellexi desiderari adhuc a reverendissima pietate vestra copiam testimonialium, quas nuper inchoatas, sed non perfectas exhibueram, non inconsultum duxi destinare eas per proprium, qui vicissim nobis redux deferret acidulas ab uno alterove patre conventus epotandas. (2) Eas hoc mense in Lädis coquente desuper sole pauculas fore et vivaces atque adeo reverendissimae pietatis vestrae instaurationi percommodas spero non minus quam opto. (3) Diem perendinum, ut abbatialis suae inaugurationis[ERROR: no reftable :] abbatialis ... inaugurationis] Abt Bernhard Gemelich wurde am 11. August 1638 gewählt. anniversarium, quam felicissimum apprecamur, eius memoriam inter nos habituri, primario quidem in precibus et suffragiis, per modum tamen amabilis concomitantiae, etiam haustu gratiarum discessus reverendissimae pietatis vestrae quia festinus fuit et acceleratus, plenam et integram rerum omnium dispositionem, quam praegredi oportuerat, in aliquibus antevertit. (4) Inter ea est, quod provisi non simus de cereis ad arae sacrificium, quos ut ad festa imminentia et missas quottidianas subministrare possim, spero a reverendissima pietate vestra clavem principalem, quam in abitu suo nemini reliquerat, per harum latorem mihi concreditum iri, quam exspectans me et fratrum conventum reverendissimae pietati vestrae unice commendo.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |