Squallida, dis invisa. ingens patet intus hiatus,
Nec quisquam subiens toto contingeret anno
Suppositi pedibus sola fundi huc actus et illuc
Vortice praecipiti, ac violento turbinis aestu:
825 Monstrum horrendum, ipsis visu admirabile divis
Scilicet est. noctis sedes obscura soporae
Caligatque umbris nimbisque furentibus horret;
Quam propter curvo Iapeti stans vertice gnatus
Suffulcit manibus caelum subnixus. ibi ipsa
830 Alterna Nox atque Dies vice limina portae
Aerea linquentes propius se voce salutant.
Haec redit ingrediens sedem, fugit ille vicissim

828 Quam propter curvo etc. Supra hoc immane barathrum, im quo degebant Titanes, noctis sedem constituere videtur poeta. Iuxta hanc Atlantem caelum sustinentem, quod in ultimo occidente situs fuerit, a quo nox exire credebatur, quemadmodum dies ab oriente. Haec sane minime sibi consentiunt: nam ut Atlas caelum possit aliquomodo sustinere, non est collocandus sub terra, sed potius supra. Quare mihi Guieti opinio probabilis admodum videtur existimantis hos versus incipientes Ka/ Vwjtoc i^su.vric usque ad atrri/Atyeojc esse supposititios, aut saltem e suo loco huc temere illatos. Melius enim sententia constaret, si ita diceretur:

» Monstrum horrendum, ipsis visu admirabile divis » Scilicet est: nox atque dies ubi limina portae » Aerea linquentes propius se voce salutant. » Haec redit ingrediens sedem etc. relictis illis quatuor intermediis versiculis, qui in versione habentur.