98. Stephani an Abt Bernhard Gemelich in Innsbruck [Stams], 19. Januar 1647 Stephani entschuldigt sich, die Boten des Stiftes nach Innsbruck zum Getreideholen geschickt zu haben; es war der Beschluss von mehreren Leuten. Den Brief an den Zisterziensergeneral, um den der Abt gebeten hat, konnte Stephani nicht finden; Pater Albericus hat ihn wohl schon mitgenommen. Über die Ankunft der Nonnen von Schönfeld ist Stephani nicht erfreut, das Gästehaus sei überfüllt. Die Truppen des Bezirkes Petersberg, die an die Grenze zu Bregenz verlegt worden waren, sind zurückgekehrt. Im Rausch hat ein Silzer dem anderen mit dem Schwert die Hand durchbohrt. Zwei Frauen, die in der Kirche von Silz Geld gestohlen hatten, wurden ohne Folter ins Exil nach Bayern geschickt. Ad dominum abbatem nostrum Oeniponte versantem, 19. Ianuarii 1647. Reverendissime in Christo pater, observandissime domine domine

(1) Quod aurigas nostros pro frumento avehendo Oenipontum direxerimus, peccavimus, ut intelligo; peccatum hoc tamen eo animos nostros ferit levius, quo illud non ex unius cerebro, sed plurium consilio et fide bona est perpetratum. (2) Quas reverendissima pietas vestra litteras petiit domino generali nostro[ERROR: no reftable :] domino ... nostro] Gemeint ist Generalabt Claude Vaussin. inscriptas, perquaesivi in abbatia, ut iussus eram, et diu et multum, sed inibi non repertas apud patrem secretarium depositas iacuisse comperi, quas tamen a patre Firstenfeldensi, [ERROR: no reftable :] a patre Firstenfeldense] Gemeint ist Pater Albericus (vgl. ep. 97). cui nudiustertius abeunti fuerant concreditae, indubie iam receperit.

(3) De monialibus[ERROR: no reftable :] de monialibus] Vgl. >Primisser cap. 42 § 22 Elisabetha, Campi Speciosi superioris antistes, filias suas Stamsii hospitantes Bernardi abbatis continuandae gratiae commendabat IV Idus Ianuarias [sc. 1648]. Speciosi-Campi, sicut cum in Stambs appellerent, haud gavisus sum, ita si ad locum unde exierant, suo et nostro commodo reverti possent, et nobis et ipsis gratularer, tum quod hoc hominum genus, utpote delicatum, molestias facessere soleat, tum quia diversorium hospitibus, qui numquam desunt monasterio, deputatum occupant.

(4) Militia territorii Peterspergensis ante quatriduum ad fines Brigantii illorumve vicinia educta bono omine heri iam domum rediit, satis cito a frigida statione liberata; in cuius primo egressu cum in Magerpach pernoctaret, unus quidam Silzensium bene potus alterum concivem suum graviter vulneravit totum bracchium ense traiciens, ut laesus periculum mortis

-- F42r --

vixdum evaserit.

(5) Duae feminae, quae nuperis temporibus e trunco ecclesiae in Silz viscatis virgulis pecunias clepserant, a subpraefecto absque tortura vel supplicio aliquo illato dimissae sunt et in Bavariam relegatae. (6) Atque haec in praesens. Interea reverendissima pietas vestra a filiis suis humiliter resalutata vivat et valeat in Domino, per quem fiat vir in cunctis prospere agens.