Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
61. Stephani an Elias Staudacher in Hall
[Stams], 8. Dezember 1645
Stephani erkundigt sich nach dem Verbleib der Waren, die er neulich in Hall gekauft
hat und die immer noch nicht in Telfs eingetroffen sind. Staudacher soll ihm eine
kurze Nachricht zukommen lassen. Die zwei Papierstapel, die er gekauft hat, will er
bezahlen, sobald ihm der Preis genannt wurde.
(1) Cum merces pauculas in Halensi mercatu nupero a me coëmptas indies paene hactenus exspectarim, utpote multorum fratrum necessitatibus sublevandis pernecessarias, necdum tamen in Telfs appulisse compererim, anxiae fere mentem cogitationes subeunt, ne forsitan casu cuiuscumque infortunii uspiam interdicerint. (2) Quodsi (ut mitius mihi persuasum interim volo) defectu navigiorum, quibus advehi possent, Halae adhuc in tuto depositae resideant, id mihi verbulo tantum vel littera intimari percupio et omnis anxietas mea aut scrupulus conquiescet. (3) Pretium porro duorum, quae conduxi, papyri voluminum, ubi indicatum mihi fuerit, et una etiam vecturae salarium proxime, quam potero, gratus persolvam. (4) Atque hisce dominationem vestram nec minus dominam suam matrem ac sorores religiosa humanitate plurimum salutatos cupio, quibus omnibus incolumitatem et benedictionem a Domino copiosam animitus apprecor. (5) Manens interea dominationi vestrae, uti hactenus semper, addictissimus etc.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |