Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
561. An Abt Anselm I. Muotelsee von Salem
Stams, 31. Dezember 1669
Im Namen von Abt Augustinus Haas: Abt Haas bedankt sich für den letzten Brief und für
die Einladung zum Nationalkapitel. Thema sollen die Machenschaften des Abtes von
Morimond sein. Obwohl das Reisen im Winter beschwerlich ist, will Abt Haas
persönlich erscheinen. Das Totengedenken für den Konventualen Augustinus von Salem
und die Nonne Johanna aus Gutzell wurde in Stams gefeiert.
Ad abbatem Salemitanum, 31. Decembris anno 1669, nomine reverendissimi.
Novi anni fausta primordia
Reverendissime et amplissime praesul, domine domine observandissime, colendissime
(1) Accepi cum reverentia, quas ex Salemio reverendissima amplitudo vestra decimo
octavo Decembrium die ad me dederat, una cum appendice gemini mandati ad capitulum
nationale nos convocantis. (2) Causam et necessitatem congrediendi, quis nobis
potissimum accersat, ex litteris reverendissimae amplitudinis vestrae probe
intellexi. (3) Habemus nimirum infensissimum nobis reverendissimum primatem
Morimundensem,[ERROR: no reftable :] infensissimum ... Morimundensem] Gemeint ist Abt
Franciscus II. de Machaut von Morimond, der alle Klöster seiner
Filiation visitieren wollte. cuius machinis et
conatibus nisi unitis viribus cordate nos opponamus, congregationis nostrae salus et
decor oppido periclitabitur. (4) Equidem brumali hoc tempore, cum gelu et nivibus
strata viarum rigent, itinerari grave ac molestum est. (5) Verumtamen quia bonum
commune omnino prae oculis habendum, non recuso laborem, quin ad praestitutum diem
in mandra Caesareensi personaliter (superis faventibus) me sistam. (6) Deus interim
propositum nostrum secundet et in caritatis vinculo nos prospere adunari concedat!
(7) Obitus reverendi patris Augustini conventualis Salemitani et dominae Ioannae
monialis de Bona-Cella in capitulo Stambsensi rite denuntiatus est et piis
defunctorum manibus pro consuetudine ordinis †praesentatum†. (8) Dabam ex Stambs
ultima luce exspirantis anni 1669.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|