460. Stephani an Abt Augustinus Haas in Mais [Stams], 19. Oktober 1664 Anstelle des Richters, der in Innsbruck beschäftigt ist, übermittelt Stephani die vom Abt gewünschten Abschriften. Der Franziskaner Pater Martin schickt Abt Haas eine Holzkiste und zehn Gulden, die Frau Johanna von Ettenhart der Kirche zum Hl. Johannes noch vor ihrem Tod gestiftet hat. Der Abt weiß bereits, dass der Benefiziar von Haiming weiter seinen Geschäften nachgeht, ohne an die geforderten zehn Gulden zu denken. Inzwischen musste man im Konvent beginnen, den Wein des letzten Jahres zu trinken. Ad abbatem in vindemiis 19. Octobris 1664. Reverendissime in Christo pater, observandissime domine domine

(1) Copiam litterarum, quas reverendissima pietas vestra e prothocollo extrahendas nuper desideraverat, hisce inclusam ego transmitto loco iudicis, qui Oeniponti in suis negotiis

-- F208r --

propriis (de petita tamen licentia) versatur. (2) Adiunctum scriniolum ligneum e monasterio Fridwilensi emissum direxit ad me reverendissimae pietatis vestrae cognatus, reverendus pater Martinus Franciscanus, qui eadem simul occasione decem florenos mihi consignari fecit confraternitati nostrae ad sanctum Ioannem a praenobili domina Ioanna de Ettenhardt legatos, quae ante paucas septimanas diem suum supremum obiit, virgo circiter septuagenaria.

(3) Circa aedituum Haimingensem, qui res se habeant, quam audacter rursum munus suum obeat, nihil pensa intentione mulctae decem Philippaeorum, quamque desuper sileat subpraefectus in Petersperg etc., credam reverendissimae pietati vestrae iam ante octiduum tum a iudice nostro, tum a domino de Wolfsthurn cum omnibus circumstantiis plene fuisse perscriptum.

(4) Decimo sexto huius mensis bibi coeptum est in conventu vinum anni superioris, quod Deus faxit tam diu ut duret, ut et praesentis autumni novam progeniem similiter non nisi post exactum annum delibemus, magno utique emolumento valetudinis inter fratres conservandae, quam Deus ter optimus cumprimis reverendissimae pietati vestrae diutissime prorogare velit!