Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
46. Stephani an Abt Bernhard Gemelich in Innsbruck
[Stams], 13. Mai 1645
In Abt Bernhards Abwesenheit hat Stephani den Salinenpräfekten, Herrn Kurt, der sich
auf der Durchreise befand, nach Stams eingeladen. Außerdem hat er ihm zwei Flaschen
Wein zur Stärkung mitgegeben. Das Ziffernblatt der Turmuhr wurde neu gemalt und
steht kurz vor seiner Vollendung. Die Bienen sind in diesem Jahr fleißiger denn je,
eine gute Honigernte ist zu erwarten. Stephani würde gerne selbst zu den Markttagen
nach Hall fahren, aber er ist zu sehr mit Arbeit belastet.
(1) Mox ut a nobis reverendissima pietas vestra nupero die Martis recesserat, ego cum iudice nostro ad hospitium descendens salinae praefectum, generosum dominum Curtium, hora 12. eo appulsum humanius, ut potui, ad nos invitavi; sed is comitatum suum satis numerosum deserere nolens grates invitanti retulit alio tempore diversionem ad nos certam pollicitus, si scilicet transitus circa fines nostros haberet multo comite non oneratus. (2) Ei tamen duas vini ampullas, albi et rubri, confestim per oeconomum Leonardum praesentavi, quas ille gratanter acceptans mox in conspectu latoris primum inde haustum in memoriam et sanitatem reverendissimae pietatis vestrae commensalibus propinavit in orbem cunctis ebibendum. (3) Facies horologii e turri sancti Ioannis elapso Mercurii die pingi coepta est eique (extra quarta insignia) ultima iam prope manus apposita est, id quod reverendissimae pietati vestrae pictor[ERROR: no reftable :] pictor] Eventuell ist Paul Honegger gemeint, der in den 30er und 40er Jahren des 17. Jahrhunderts in Stams wirkte. ipse haud dubie referet, qui hodie a nobis digressus filium suum operi perficiendo reliquit. (4) Apes hoc anno novis faetibus valde exundant, ipsis ferme alvearibus vix suffecturis, si adeo fecundam pullitiem glomerare porro perrexerint, ut coeperunt. (5) Ad nundinas Halenses iam iam instantes conventui de quibusdam necessariis provisurus libens proficiscerer, si id de consensu et beneplacito reverentissimae pietatis vestrae liceret, nec dies negotio huic expediendo plures uno deposcerem, statim ad oves relictas remeaturus. (6) De reliquo valemus in Domino et sani degimus omnes precaturi voto unanimi, ut in statu consimili reverendissimam pietatem vestram in negotiis arduis sudantem servator omnium Deus clementer conservet.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |