Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
45. Stephani an Arzt Paul Weinhart in Innsbruck
[Stams], 12. April 1645
Stephani bedauert es, fünf Monate nicht mehr geschrieben zu haben. Er findet
inzwischen wieder Schlaf, doch noch immer plagt ihn sein Ischiasnerv. Den
Frühjahrsaderlass hat er für den 23. April festgesetzt. Er fragt nach, ob Weinhart
spezielle Medikamente für sein Leiden wisse. Er hofft, dass der Aderlass in diesem
Jahr bessere Erfolge zeige, als im letzten Jahr. Allen gehe es ansonsten gut, bis
auf den Pater Senior, der von Tag zu Tag schlechter sieht. Er bittet Weinhart um
neue Brillen, damit der Pater seine zweite Primiz gesund feiern könne.
(1) Quintus iam mensis vertitur, ex quo ad excellentiam vestram litterarum nihil dedi, tametsi scribendi causam forsitan dudum habuissem, quippe qui paulo post ingressum huius anni scyathicae vel similis cognatae affectionis molestias de novo persensi atque octo vel plures hebdomadas pertuli. (2) Nunc vero quia saltem somnum de nocte habere possum nec difficilis, uti antehac, mihi accidit sessio, nihil amplius moror, quidquid illud sit, quod femur meum vel ischion tamdiu occupavit. (3) Phlebotomiam huius verni temporis ego cum fratribus mei chori 23. Aprilis instituere decrevi, cui praemittemus purgationem consuetam ex medicinis, quas aliis temporibus communiter adhibere sumus soliti, ni forte mihi excellentia vestra peculiare aliquid pharmacum pro mea complexione conducibilius noverit e pharmacopolio Oenipontano comparandum. (4) Quoad venae incisionem spem mihi facio eam hoc vere felicius cessuram, quam praeterito autumno sum expertus; tunc nam in brachio sinistro quinque vel sex ictus frustraneos excepi, ac primum post tertiam plagam in dextero, tandem sanguini patuit exitus. (5) De reliquo valetudine per Dei gratiam bona utimur omnes, nisi quod venerabilis pater senior[ERROR: no reftable :] pater senior] Gemeint ist Pater Wolfgang Lebersorg. noster indies paene visum sibi hebescere experitur et queritur, quod cum excellentiae vestrae sit coaetaneus, sperat ab eadem specilla relevandis oculis suis congrua et idonea comparari sibi posse. (6) Cuius spei ac voto ut satisfaciat, ipse ego dominationem vestram rogo, ut si opportunitas fuerit, bono illi patri congruentia perspicilia coemendi, hunc tanto eius desiderio favorem exhibere non gravetur, pro quibus ego pretium, quocumque illa constiterint, lubens persolvam; nollem nam optimum senem visu hoc tempore destitui, quo eum iam quinquagenarium sacerdotem secundas primitias brevi celebraturum confidimus. (7) Haec raptim. Interea ut excellentia vestra cum omnibus suis integre valeat et ad festa paschalia e grabato aegritudinis suae incolumis surgat, impense exopto.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |