Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
44. Stephani an Abt Bernhard Gemelich in Innsbruck
[Stams], 5. April 1645
Weil der letzte Brief an Abt Bernhard so kurz war, wird nun einiges nachgeliefert:
Das große Werk zur Tiroler Geschichte wird von vier Schreibern abgeschrieben, doch
werden sie den Termin zu Pfingsten nicht einhalten können. Stephani wird wohl noch
Bruder Christoph Häring hinzuziehen müssen. Der Vikar von Umhausen hat seine Leute
überredet, der Erzbruderschaft des Rosenkranzes beizutreten. Er hat Stephani
gebeten, in dieser Sache beim Abt sein Fürsprecher zu sein, doch Stephani riet ihm
zu einem direkten Brief an den Abt. Der Pfarrer von Silz hat Stephani berichtet,
dass ihn der Pfarrer von Flaurling gefragt habe, ob die Jubiläumsbulle und das
mandatum quadragesimale in Stams aushängen. Daraufhin ließ Stephani die Bulle im
Namen des Abtes veröffentlichen, nicht aber das mandatum.
(1) Quas nudistertius ad reverendissimam pietatem vestram dedi, ob temporis, quo
arctabar, angustiam abbreviatas feci pluribus, quae alioqui insinuare cupiebam,
praetermissis; quibus tamen adhuc intimandis, ne excidant, praesens occasio valde
extitit opportuna. (2) Volumen grande de rebus Tyroleos,[ERROR: no reftable :] de rebus Tyroleos] Um welche der
frühen Darstellungen der Tiroler Geschichte es sich handelt (Max
Sitticus Freiherr von Wolkenstein, Mathias Burglehner, Jakob Andrä von
Brandis) ist unklar, vgl. Egger
1867. pro eo ac iussus fueram, quattuor amanuensibus
describendum distribui; qui tametsi gnaviter in opere desudent et horis, quas a
choro et altari vacuas habent, suis singuli calamis ferias vix aut raro concedant,
de complendo tamen ad praestitutum paschatis terminum tam vasto opere pler (4) Vicarius in Umbhausen, ut ex oretenus mihi nuper loquente intellexi, intendit et optat archiconfraternitatem sanctissimi rosarii apud suos introducere, cui proposito consentire ait totam parochianorum communitatem, qui omnino precibus urgeant et hortando apud se instent, ut id in effectum deducat, universos sumptus, qui impendendi fuerint, soluturi, salvo per omnia ecclesiae patrimonio. (5) Quia tamen is sine iam dicti collatoris et domini directi praescitu atque assensu nihil prorsus (prudentior hac in re vicario Miemingensi) aggredi vel incipere cogitet, humaniter me rogavit, ut suus apud reverendissimam pietatem vestram interventor essem, quatenus tam pio illorum intento non contradicere, sed magis (beatissimae Virginis cultui promovendo) gratiose flagitantibus consensum tribuere dignaretur. (6) Ego vero ne in re, quae citra praeiudicium ecclesiae illius et cum iurium parochialium indemnitate consistere forsitan difficulter esset, me interponere, suasi eidem, ut apud reverendissimam pietatem vestram super tali propositio litteras supplicaret. (7) Heri parochus in Silz secreto et amice mihi communicavit duas epistulas, quibus ipsi a decano Flaurlingensi iterata vice iniungitur, ut inquirat vel exploret, num bulla iubilaei ac simul mandatum, ut vocant, quadragesimale in Stambs pro foribus ecclesiae sancti Ioannis affixa fuerint, necne, eo quod hoc dominus Perkhofer omnimodis rescire percupiat, fortassis pro aliquo actu subiectionis interpretaturus, si ea a decano nobis transmissa, ad publicam notitiam exposita atque praefato modo a nobis affixa cognoscat. (8) Ceterum ego bullam quidem iubilaei, non prout impressam typis a decano acceperam, sed calamo (servatis servandis et mutandis mutatis) sub nomine et auctoritate reverendissimi abbatis in Stambs per scribam nostrum transcriptam publicavi; mandatum vero quadragesimale ex hypocaustulo prioratus mei nec vel pedem prorepsit umquam, nedum ad fores ecclesiae pervenit, imo id in Stambs praeter meam personam nullus hominum vidit vel legit. (9) Ac hisce me et reliquum coetum reverendissimae pietati vestrae demisse commendo.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |