Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
392. An Abt Georg IV. Müller von Kaisheim
Stams, 6. September 1660
Im Namen des neugewählten Abtes [Augustinus Haas]: Der Abt bedankt sich bei Abt
Müller für die schnelle Zusendung der Wahlurkunde, die Herr von Wolfsthurn nach
Citeaux zur endgültigen Bestätigung bringen wird. Für die Einladung zum
Generalkapitel bedankt er sich, ruft jedoch Kapitel sieben der Rottweiler Beschlüsse
in Erinnerung, dem gemäß immer nur ein Abt stellvertretend für die ganze
Kongregation zum Generalkapitel reist. In den Streit, den die nach Abstinenz
strebenden Franzosen losgebrochen haben, hat sich Abt Haas noch nicht eingearbeitet.
Im schlimmsten Fall müsste sich, wie Abt Müller meint, die deutsche von der
französischen Kongregation abspalten. Gott möge die streitenden Parteien
zusammenführen.
Cum salute perhumili, felicitatem aeviternam Reverendissime in Christo pater, amplissime praesul, observandissime domine domine (1) Instrumentum electionis de mea persona factum quarto Septembris die post meridiem salvum et illibatum obtinui, pro cuius tam festina elaboratione grates, ut par est, maximas habeo et spero interventu domini de Wolfsturn securam nancisci occasionem, ut illud paucas intra septimanas Cistercium intret, ubi confirmationis ultimum robur sollicitandum est. (2) De legitimi insinuata et accepta capituli generalis indictione scripta, quae petitur, recognitio hisce adiuncta venit. (3) Ceterum tametsi epistula convocatoria non tantum vicarios generales, sed et singulos provinciarum abbates ad praedicta ordinis comitia citare videatur, credam tamen non fore recedendum ab eo, quod in statutis Rottwilanis distinctione secunda capitulo septimo decretum fuerat, videlicet ut qualibet provincia congregationis unus tantum abbas communibus monasteriorum sumptibus in capitulo generali comparere tentaturus. (4) Super negotio, quod Galli abstinentes ordini facessunt, ego quidem multam notitiam hactenus non habui, rebus tamen ita stantibus, ut litterae transmissae informant, omnino in sententiam reverendissimae amplitudinis vestrae abeo, ut censeam libertati atque exemptioni nostrae conservandae remedium aliud non superfuturum, quam ut, funesta licet dis-membratione, Germania nostra Cisterciensis a Gallia separetur, ad quem effectum imperatoris nostri [ERROR: no reftable :] imperatoris nostri] Gemeint ist Kaiser Leopold I. opem implorandam esse pernecessarium duco. (5) Deus tamen ter optimus ac post eum Virgo deipara, quae ordinem nostrum usque in finem saeculi servaturam spopondit, grassanti malo remedium ferre dignabuntur, si precum nostrarum iugi instantia fatigentur. (6) Interea reverendissimae pietatis vestrae favori constanti me ac meos demisse commendo. (7) Ex Stambs 6. Septembris anno 1660.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |