Welcome to PhiloLogic  
   home |  the ARTFL project |  download |  documentation |  sample databases |   
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Previous Section

Next Section

393. Stephani an Generalabt Claude Vaussin in Citeaux Stams, 17. September 1660 Der Tod von Bernhard Gemelich hat in Stams große Trauer ausgelöst. Gemelich war dem General durch seine Arbeit in der Kongregation in Rottweil persönlich bekannt. Er stand 22 Jahre lang an der Spitze des Klosters und verstarb nach fünfwöchiger Krankheit in Innsbruck. Sein Leichnam wurde am 11. Juli nach Stams überführt. Freude kam erst durch die Wahl des neuen Abtes am 5. August auf, die auf Augustinus Haas fiel. Die Akten und Urkunden dieser Wahl liegen dem Brief bei, um ihre Bestätigung wird gebeten. Ad reverendissimum dominum generalem Cistercii pro confirmatione electionis Augustini etc. 17. Septembris 1660. Perillustris, reverendissime et amplissime domine domine observandissime

(1) Ingenti tristitia implevit cor nostrum annus hic sexagesimus, vere criticus, vere infaustus, quando nostrum nobis antistitem Bernardum,[ERROR: no reftable :] Bernardus] Gemeint ist der eben verstorbene Abt Bernhard Gemelich. Rottwilae olim perillustri ac reverendissimae dominationi vestrae de facie notum, praematura morte eripuit. (2) Amisimus, heu, patrem, pastorem, praesulem meritissimum, vigilantissimum, amplissimum, virum vere magnum et albis dignissimum lapillis. (3) Fuit is praestantibus sane talentis praeditus, autoritate nulli suorum antecessorum secundus, aedificiorum nostrorum sapientissimus non tam restaurator quam architectus. (4) Qui cum ad clavum monastici regiminis annos 22 sedisset, demum adproperante morte surgere iussus Oeniponte, ubi quinque septimanas sub cura medicorum frustra angariatus fuerat, ex hydropsi, ut opinamur, diem supremum clausit condolentibus archiducibus et tota propemodum civitate Oenipontana lugente. (5) Cuius corpus postera die, quae erat undecima Iulii et festum translationis sancti Benedicti, ad monasterium nostrum

-- F170r --

Stambsense transportavimus. (6) Sic itaque orphani facti in umbra hactenus sedimus orbitatem nostram plangentes.

(7) Verumtamen (quae felicitas nostra est) reliquit adhuc dominus Sabaoth nobis semen, quo ruina haec reparari posset, neque diu cunctata est divina bonitas, quin post turbinem desolationis brevi rursus serenum infunderet atque ovibus derelictis fidum denuo praestitueret pastorem. (8) Processimus siquidem faventibus superie die quinto Augusti (sub praesidio admodum reverendi domini abbatis Caesariensis Georgii, per Sueviam vicarii generalis) ad novi capitis electionem, qua secundum omnem viam et formam iuris ac consuetudines ordinis pacifice, concorditer felicique successu peracta prodiit ex urna cunctis applaudentibus admodum reverendus dominus Augustinus Haas, monasterii nostri Stambsensis professus, vir ut aetate maturus [ERROR: no reftable :] aetate maturus] Der am 28. August 1610 in Meran geborene Augustinus Haas war zum Zeitpunkt seiner Wahl zum Abt bereits 50 Jahre alt. ita rerum gerendarum peritia conspicuus, in officiis Marthae qua saeculum qua Deum spectantibus dudum exercitatus. (9) Cuius electionis per omnia legitimae ac canonicae instrumentum atque abbatialis promotionis eius decretum in copia authentica hisce adiunctum ad perillustris ac reverendissimae pietatis vestrae sacratas manus venerabundi deponimus suppliciter deprecantes, quatenus illud illustri autoritate sua ac supremo, quo in totum ordinem pollet, imperio gratiose approbare, confirmare ac solemnizare dignetur. (10) In cuius rei desiderio et exspectatione suspensi interim perillustri ac reverendissimae dominationi vestrae cum paterna dexterae osculo ac basio fimbriae vestimenti filialissime nos commendamus ad orandum pro eiusdem longaeva incolumitate ac prospero regimine obligatissimi. (11) Dedimus ad sanctum Ioannem Baptistam in Stambs, unico Cisterciensis ordinis monasterio in comitatu Tyroleos, die exaltatae crucis seu 14. Septembris anno post Deum hominem 1660.

Previous Section

Next Section


Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Powered by PhiloLogic