Philologic Results

388. Stephani an Bruder Tobias Zigl, Student in Ingolstadt Stams, 22. Juni 1660 Abt Gemelich geht es immer noch schlecht. Inzwischen ist er in die Obhut der Ärzte in Innsbruck überstellt worden. Johannes Stocker soll nun endlich die 25 Gulden von seinem Direktor erhalten, der dazu keinen Brief von Abt Gemelich mehr bekommen wird. Zigl soll Stocker ermutigen, nun in Stams einzutreten und auch andere dazu anzuregen. Zigl soll auch die beiden Rhetorikstudenten, die unter seiner Obhut stehen, dazu anregen. Stephani verspricht Zigl, dass er in Ingolstadt bleiben und sein Studium absolvieren darf. Ihm fehlen dazu nur mehr zwei Fächer: Gnadenlehre und die Lehre der Fleischwerdung Jesu.

-- F166v --

Ad fratrem Thobiam Ingolstadii studiosum, 22. Iunii 1660. Religiose, in Domino multum dilecte frater

(1) Abrupi sine dubio opinione tua citius nuperas meas nec ad omnia satisfeci, quae petebas, luctu nimirum et angustia animi pennam stringente. (2) Sed neque etiam nunc laetius quidquam tibi nuntiare possum de reverendissimi nostri [ERROR: no reftable :] reverendissimi nostri] Gemeint ist der im Sterben liegende Abt Bernhard Gemelich. statu, qui fere adhuc in eodem permanet.

(3) Interim vero ne bonus Ioannes Stoker[ERROR: no reftable :] Ioannes Stoker] Vgl. Album Stamsense Nr. 471. (quem per te salutatum cupio) incommodo suspensionis 25 florenorum diutius plectatur, litteris hisce meis fidem habeat reverendus pater director de mente reverendissimi nostri esse, ut praedicti quinque et viceni Rhenenses eidem Ioanni amodo relaxentur, neque hoc tempore exspectanda est ab ipsomet domino abbate epistula, utpote qui difficulter verbum proloqui nedum characterem formare queat, non in monasterio, sed Oeniponte sub cura medici admodum dubia constitutum.

(4) Ceterum animabis eundem Ioannem ad propositi constantiam, qui sicut de sua susceptione dubitare non debet, ita socios quoque non ingratos fore credat, si quos idoneos et in litteris ut minus, si non etiam cantu, fundatos secum adduxerit, maxime si fuerint patriotae. (5) Duobus adolescentibus rhetorices studiosis, quorum nuper patronum egisti, poteris belle modo sententiam repudii indicare, tum quod praeceptoris et tuum de eis testimonium mihi non usquequaque probetur, tum praecipue, quod reverendissimo capite nostro tam gravi languore prostrato ac propediem sibi et domui suae iam disponente, meum non sit de conscribendis tironibus modo me intromittere.

(6) Porro ut et tibi aliquid consolationis in aurem demittam, si et graviter studueris et probitatis etiam ac virtutis specimen non omiseris, spondeo me adlaboraturum, ut etiamsi (quod Deus clementer avertat) archimandrita noster ex praesente hydropsis morbo non eluctaretur, sed fato urgente nobis

-- F167r --

a saeculo vale ultimum diceret, tu nihilosecius tam diu Ingolstadii relinquare, dum totum theologiae curriculum absolveris. (7) Nisi enim ipse me fallo, duae tantum principales materiae tibi restant audiendae, de gratia scilicet et incarnatione, quae utraque unius anni periodo sub binis professoribus facile terminare poteris. (8) Vale ergo et dum de successibus reverendissimi nostri suspensus haeres, tu preces precibus iunge, ne pater a filiis tam celeriter auferatur! (9) Scripsi in Stambs propridie sancti Ioannis Baptistae seu 22. Iunii.