389. Stephani an Abt Georg IV. Müller von Kaisheim Stams, 13. Juli 1660 Am 10. Juli ist Abt Gemelich in Innsbruck verstorben. Er starb hoch geachtet im Alter von 55 Jahren an der Wassersucht. In ganz Innsbruck leuteten die Glocken, und die gesamte Gemeinde trauerte. So brachten sie ihn nach Stams. Stephani bittet den Abt, schnell nach Stams zu kommen, um durch eine rasche Entscheidung den Einfluss der Erzherzoge auf die Wahl möglichst gering zu halten. Ad abbatem Caesariensem, 13. Iulii 1660. Reverendissime in Christo pater, amplissime praesul, observandissime domine domine Praeter demissam salutem et basium sacrae dexterae devotam omnigenae felicitatis apprecationem

(1) Heu, quam infelix nobis et infausta cecidit dies decima Iulii, in qua sub horam antemeridianam octavam iam iam insonantem, praesul noster, monasterii Stambsensis Phoebus, orbi et ordini notus, Oeniponte occidit.[ERROR: no reftable :] Heu ... occidit] Vgl. Primisser cap. 42 § 49 Cumque iam ipse praesul se vitae termino propinquum conspiceret, disposuit nonnulla ad monasterii oeconomiam spectantia. Dies reliquos dispositioni animae suae consecravit. Diem clausit extremum VII Idus Iulias a conscientiae naevis expiatus et divino viatico est praemunitus. Tandemque postero mane pie in Domino defunctus, vir gestorum magnitudine vix ulli praesulum secundus. (2) Nimirum Bernardus noster, caput solertissimum, fidelissimus pastor, pater familias optimus, omnibus omnia factus, Deo, naturae, sibi hominibusque debitum solvens, anno aetatis 55. completo ac mense paene superaddito diem suum extremum clausit memoriam sui posteris aeviternam relinquens. (3) Morbus eius letalis hydrops fuit, cui curandae Oenipontum (quantumvis viribus iam adeo fractis esset, ut in itinere obiturus timeretur) sese contulerat, ubi sub cura medicorum septimanas quinque detentus et applicationibus variis non tam alleviatus quam cruciatus cum spe continua valetudinis recuperandae semet ipsum aleret atque Halam ad comitia

-- F167v --

statuum provinciae 12. Iulii congregandorum proficisci gestiret, fato praeveniente decessit, quem undecimo eiusdem mensis nocte concubia absque strepitu campanarum condolentibus archiducibus et tota civitate Oenipontana lugente ad Stambsense coenobium transportavimus. [ERROR: no reftable :] quem ... transportavimus] Vgl. Primisser cap. 42 § 50 Corpus nocte insequente absque stepitu campanarum condolentibus archiducibus et tota civitate Oenipontana lugente ad Stamsense coenobium transportatum est. Exceptum a suppriore et conventu ante portam exteriorem templi, per hoc ad aedem capitularem circa horam quintam matutinam, inde post prandium in sacellum Mulsarianum delatum ibique ante gradum altaris sepultum. (4) Dolendus est sane hic occasus, nobis, ah, nimium maturus et praecox, quem reverendissimae pietati vestrae praesentibus hisce ex debito annuntiamus[ERROR: no reftable :] annuntiamus] Vgl. >Primisser cap. 42 § 50 Obitus praesulis Caesaream nuntiatus atque a Caesareensi futurae electioni designatus dies V Augusti. instantes enixe, supplicantes humiliter, ut domui nostrae viduatae tempestive succurrat ac nova interventiente electione (cuius terminum ad praevertenda quaeque cum ninistrorum episcopalium tum archiducalium commissariorum praeiudicia a reverendissima pietate vestra accelerari optamus) suus orphanis pater, derelictis ovibus pastor ac membris maerentibus caput praeficiatur. (5) Quod dum exspectamus, animae desideratissimi patris nostri ferventissimis reverendissimae dominationis suae suorumque venerandi conventus precibus et sacrificiis intense ac prolixe commendamus. (6) Dedimus in calente luctu ex Stambs 13. Iulii.