Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
308. Stephani an Abt Bernhard Gemelich in Innsbruck
Stams, 21. März 1656
Vom Richter hat Stephani gestern erfahren, dass Abt Gemelich Pater Martin [Stöger]
als Pfarrer nach Wertach schicken will. In Gegenwart von Subprior und Pater Edmundus
[Quaranta] hat er ihm dies mitgeteilt, was ihm gar nicht gefallen wollte: Er sei mit
über 60 schon zu alt und außerdem kein guter Prediger und Sänger. Stephani fügt
hinzu, man sollte zunächst an jemanden denken, der bereits in Nauders oder St. Peter
Erfahrungen gesammelt hat. Stephani hofft auf eine schnelle Antwort von Abt
Gemelich, damit Wertach nicht mehr lange auf seinen Seelsorger warten muss.
(1) Posteaquam hesterna die paululum ante horam prandii ex iudice nostro intellexi de reverendissimae pietatis vestrae voluntate et imperio esse, ut conventualis noster pater Martinus[ERROR: no reftable :] Martinus] Gemeint ist Pater Martin Stöger. ad ecclesiam Wertacensem[ERROR: no reftable :]ad ecclesiam Wertacensem] Vgl. Primisser cap. 42 § 42 Wertacensis vicarius Michael Kirmagrius, ut iudicis odium et iniurias subterfugeret, parochiam Bernardo abbati resignat anno MDCLVI, XVI Kalendas Februarii. Illuc ergo probante Augustana curia vicarius mittitur Martinus Steger noster ineunte Martio. Hic dum aedis canonicae structuram simul et animarum curam solerter promovet, solius iudicis et ipse odium incurrit. Multis itaque supplicationibus ad Stamsium missis tandem dimissionem obtinuit post Kalendas Novembres. Eius in locum missus ac praesentatus est Iacobus Jeriatus. provisorio modo et ad tempus in spiritualibus curandam proxime emitteretur, non cunctatus sum eidem heri sub vesperam mandatum istud in praesentia patrum subprioris et Edmundi[ERROR: no reftable :] Edmundi] Gemeint ist Pater Edmundus Quaranta. patefacere ac legitime intimare. (2) At praeter opinionem meam eundem ad oboedientiam promptum paratumque non inveni, sed potius obnitentem et reclamantem. (3) Excusationum, quas obtendit, capita sunt tum senium aetatis sexagenaria iam maioris, tum quod se inhabilem reputet, utpote qui nec concionator sit nec cantor. (4) Adderem ego, si liceret, etiam tertium caput passionis humanae, siquidem inter alia dictitat, cum antehac consultaretur de mittendo aliquo pastore in Nauders et posthac ad sanctum Petrum, se numquam in electione aut optione fuisse, mitterentur proinde nunc illi etiam in Wertach, qui olim digni vel idonei iudicati essent pro cura Nauderensi etc. (5) Itaque audientibus supradictis patribus iterato provinciam hanc per misericordiam Dei deprecatus est. (6) Putem tamen, si mens reverendissimae pietatis vestrae in suo imperio persistat, pariturum adhuc et manus oboedientiae daturum. (7) Interim quia dimidium quadragesimae iam prope emensi sumus et confessionibus ac paschali communioni peragendis haud adeo multum temporis superest, ne plebecula Wertacensis pastore se destitui lamentetur, spero responsionem aut mandatum, quid facto desuper opus, a reverendissima pietate vestra celeriter remittendum. (8) Raptim ex Stambs festo sancti legislatoris nostri.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |