30. Stephani an Paul Weinhart in Innsbruck [Stams], 3. Oktober 1644 Stephani berichtet Weinhart über die Purgatorien, die gewisse Patres über sich ergehen ließen. Dazu kamen heutige einige Aderlasspatienten. Frater Georg Nusbaumer erwartet Pillen gegen seine Kopfschmerzen, der Konverse Georg Randolt ein Mittel gegen seine Taubheit. Für seine eigene schlechte Gesundheit wünscht sich Stephani neue Ratschläge von Weinhart. Für ein bestimmtes Heilbad wünscht er sich noch genauere Anweisungen. Ad dominum Paulum Weinhart, medicum Oenipontanum et physicum nostri monasterii, 3. Octobris 1644. Nobilis, clarissime et excellentissime domine

(1) Prima huius mensis purgatione medica e nostris usi sunt patres de choro subprioris,[ERROR: no reftable :] subprioris] Gemeint ist Pater Matthaeus Wilhalm (vgl. Album Stamsense Nr. 431). contenti partim cremoribus Tartari cum diagridio, partim pulvere Diaturb, citra admixtionem sacchari nunc recens confecto, partim denique potionibus e foliis sennae atque rhabarbaro. (2) Eisdem hodie vena aperietur, utinam felici tam incisoris quam secandorum iussu. (3) Ego cum aliis octo fratribus mei chori pharmacum sumam proxima sabbati die phlebotomiam instituturus decimo huius. (4) Quodsi excellentia vestra peculiarem aliquam medicinam naturae meae catarrhosae congruam praescribere velit, eam lubens acceptabo. (5) Reliqui aliud purgationis genus praeter supra memorata non deposcunt, exceptis fratre Georgio Nuspaumer et Georgio Randolt converso, quorum ille ob crebras, quas patitur, capitis destillationes pillulas capitales exspectat, iste vero, quia surdaster, oleum ab excellentia vestra promissum auriculae meatibus guttatim instillandum praestolat, quae ex pharmacopolio Oenipontano comparata per harum latorem commode transmitti poterunt.

(6) Ad mei porro corporis statum quod attinet, tertius heri iam mensis impletus est, ex quo indispositione illa, quam pridem excellentiae vestrae notificavi, affligor, quae sive scyathica sit, sive alia quaecumque affectionis species, molestiam certe non parvam ingerit. (7) Forsan non obfuerit, adhuc semel in pede venam aperiri vel illam, quae mihi nuper ad mi

-- F15v --

nimum eiusdem digitum incisa est, vel certe venam dorsi infra maximum pedis digitum existentem. (8) Quidquid excellentia vestra desuper consuluerit, promptus exsequar. (9) Sin et hoc medium nihil effecerit, adhibebo tandem, quod mihi dominatio sua dudum oretenus suasit, balneum fontanae calefactae cum immisso sacculo de lignis iuniperi minutim concisis. (10) In eo tantum haesito, utrum sacculus novis et recentibus lignis toties inferciendus, quoties balneum usurpatur, an vero eadem in plures vices adhiberi possint. (11) Hoc dum scire gestio, precor interim, ut excellentia vestra (cuius praesentia phlebotomiae nostrae esset optatissima) in coetu suorum dies tranquillos et laetos diutissime agat.