297. Stephani an Pater Augustinus Haas in Mais Stams, 13. Februar 1655 Stephani freut sich, dass es Haas gut geht, und wünscht den anderen beiden in Mais eine gute Besserung. Den Mönchen in Stams geht es gut, während der Abt gerade eine schwere Krankheit hinter sich hat: Der Grund war ein Gastmahl, bei dem der Abt bis tief in die Nacht getrunken hat. Pater Wilhelm [Wenzel] brachte dann das Gespräch auf das Aussterben der Murmeltiere, worüber sich der Abt so aufregte, dass er drei Tage lang nichts mehr essen konnte. Wein und Absinth jedoch trank er. Nun aber geht es ihm wieder gut, und er hat sich bereits wieder auf den Weg nach Innsbruck gemacht. Georg [Nussbaumer] und Albericus [Manincor] wurden in Brixen für die Priesterweihe, Fortunatus [Clementi] für das Diakonat zugelassen. Die jeweiligen Termine stehen noch nicht fest. Ad patrem Augustinum Haas, conventualem nostrum pro tempore operarium in Mais, 13. Februarii 1655. Multam salutem et fortem sufferentiam quadragesimae Reverende in Christo, religiose et amande confrater

(1) Inficias non eo, silentio vestro, quod ipsos quinque menses iam tenuistis, non usquequaque contentum me hactenus extitisse, non quod magni mea interfuit crebris me epistulis salutari vel quasi cum litteris vestris etiam munuscula et eulogias affectem, sed solum, quod cupiam fraternam animorum unionem, quae litterarum commercio vel maxime fovetur, interdum duum triumve lineolarum scriptione refuscitari. (2) Quod belle reverentia vestra valeat, gratulor, duobus vero alteris,[ERROR: no reftable :] duobus ... alteris] Gemeint sind die Patres Johannes Schnürlin und Sebastian Zigl. quos toties arthriticis compedibus lecto alligat podagra, fraterne condoleo.

(3) Nos in coetu nostro domestico (laus Deo) valemus omnes, caput vero illius, reverendissimus dominus abbas,[ERROR: no reftable :] reverendissimus abbas] Gemeint ist Abt Bernhard Gemelich. languore praevalido aliquot septimanas decubuit, cui si medici tam gnaviter non adstitissent, nescio quo statu res monasterii modo consisterent. (4) Causam morbi, saltem occasionalem (sub rosa et fraterna confidentia) fuisse divinarem immoderatum vinum et praefervidam choleram, quibus semet obruit festo sanctorum innocentium, ubi postquam toto tempore pomeridiano cum hospitibus potitasset et insuper in cena tres patres conventus ad mensam convivas habuisset, adulta iam nocte et fere sub mediam 12am nescio qua mala fortuna improvida patris Wilhelmi[ERROR: no reftable :] patris Wilhelmi] Gemeint ist Pater Wilhelm Wenzel (vgl. Album Stamsense Nr. 455). garrulitas mentionem iniecit de quercedulis seu muribus nostris Alpinis, quod scilicet nullum eorum amplius in horto habeamus, quo audito reverendissimus iam bene potus subito ita

-- F116r --

excanduit et in tales iracundiae motus prorupit, quales antehac nemo quisquam in illo vidisse testabatur. (5) Unde verosimiliter ea bilis exaestuans per artus sese diffudit ac maxime officinam stomachi occupavit, ex quo factum, ut statim postera vel tertia die omnem cibum nausearit et per integros fere decem dies vel ultra de omnibus esculentis nec unius quidem nucis magnitudine quidquam sumpserit, cum interim vino etiam inflammante absynthite non abstineret, quo demum febrim accersivit. (6) Sed benedictus sit Deus, qui eidem et cibi appetentiam et vires membrorum utcumque restituit. (7) Perendie iterum Oenipontum est reversus. Utinam deinceps sapiat semel ictus piscator!

(8) Fratres nostros[ERROR: no reftable :] fratres nostros] Vgl. >Primisser cap. 42 § 40 Cum sacerdotum numerus aegre functionibus sacris sufficeret, ordinati nuper presbyteri Georgius Nussbaumer et Albericus Manincor, prima sua sacra differre iam non poterant, quae feria II paschae solenniter peregerunt, dum interea praesul novis compedibus arthriticis lecto affigeretur. Georgium et Albericum ante ferias natalitias pro sacerdotio Brixinam misimus et fratrem Fortunatum pro diaconatu, qui omnes sine difficultate sunt ordinati. (9) Primitias suas frater quidem Georgius, quantum pro nunc reverendissimus in proposito habet, domenica laetare celebrabit, domi nostrae an Oeniponti adhuc nescio; fratri vero Alberico probabiliter feriae paschales erunt exspectandae. (10) Xenium transmissum gratum mihi est et acceptum. Atquae haec pauca impraesentiarum dedi ex Stambs etc.