298. Stephani an Abt Bernhard Gemelich in Innsbruck [Stams], 10. Mai 1655 Gestern kam ein Fassbinder aus Hall nach Stams und bot seine Dienste an, was der Konvent einhellig ablehnte. Es sei viel leichter einen Mann aus dem Volk dazu anzustellen, als ihn als Konversen aufzunehmen, zudem er nicht lesen und schreiben kann. Der Novize Thomas [Achmiller] hat gegen seinen Ausschlag weder das hauseigene Bad noch die Mittel aus der Apotheke in Innsbruck benutzt. Er bittet vielmehr darum, ihn zwei oder drei Wochen in die Thermen von Hall zu schicken, was ihm früher schon geholfen hat. Stephani empfiehlt, ihn dorthin zu schicken, da er sich sonst selbst die Erlaubnis geben wird. Wenn der Abt nicht antwortet, nimmt Stephani dies als Zustimmung. Ad reverendissimum dominum abbatem nostrum Oeniponti degentem, 10. Maii anno 1655. Filialem salutem et prosperae valetudinis apprecationem Reverendissime in Christo pater, observandissime domine domine

(1) Hesterno vespere paulo a cena appulsus est ad nos, qui hasce refert Halensis vietor, cuius propositum atque desiderium ardens postero die patribus venerabilis conventus exposui. (2) Qui haud magna deliberatione usi nullum pro supplicante suffragium tulere, sed in unam omnes negativam abierunt, tum quod opificium illius tale non sit, quod monasterio magno esse emolumento possit, faciliusque sustentetur vietor laicus (quem moderato stipendio annuo et super mensam hordeo et olere contentum esse oportet) quam conversus quispiam inter conventuales; (3) tum etiam quod omnis omnino litteraturae expers nec apicem

-- F116v --

legere sciat aut scribere, id quod in fratribus laicis magno solere esse defectui, dudum comperimus.

(4) Novitius noster Thomas[ERROR: no reftable :] Thomas] Gemeint ist Thomas Achmiller (vgl. Album Stamsense Nr. 474). tollendae scabiei suae nec balneo nostro domestico nec aliis mediis a doctore nuper praescriptis et actualiter iam ex pharmacopaea Oenipontana allatis, uti volens, quod ea quasi inutilia et nihilo sibi proficua fore arbitretur, aliam mentem induit ac me diebus hisce conveniens scripto tenus instanter petiit, veniam sibi impertirem, quatenus extra claustrum spatio 14 dierum aut summo trium hebdomadarum restituendo suo corpori vacare posset, usurus thermis Halensibus, uno tantum et altero iactu lapidis a paterna domo distantibus, quas iam antehac in eodem impetiginis morbo bis terve usurpasset et semper sibi perquam salubres expertus fuisset. (5) Mitto ipsammet inclusam eius scriptam[ERROR: no reftable :] inter eius et scriptam in rasura epistulam. supplicationem, ut pro illo loquatur. (6) Ego quidem, cum corpore non sane rite Deo serviri non posse sciam ac insuper praedictum Thomam eo resolutum intelligam, ut nisi licentiam desuper benigne concesserint superiores, ipse sibi eam elargiri constituerit, petitionem illius non reputo irrationabilem ac proinde, nisi reverendissima pietas vestra (quam prae occupationibus assiduis ad scribendum impeditissimam scio) aliud renuntiet, ipsam eiusdem reverendissimae pietatis vestrae taciturnitatem pro assensu captaturus, memoratum novitium ad ferias pentecostes pro dicta thermarum cura in pace dimittam reversurum (ut sancte spondet), quam primum corpusculo suo pristinam sanitatem recuperarit. (7) Interea Deus reverendissimam pietatem vestram sospitet et in arduis negotiis, praesertim Weingartensi, consilio suo sapientissime dirigat!