Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(5) Tametsi vero praenominatus dominus Andreas Gargiter iam stylum vertere incipiat
et repudiato beneficio parochiali in Pruss, antiquam coloniam in loco temere
resignato stabilire desideret, ea tamen ex geminatis ipsius resignationibus apud
parochianos Umbhausenses animorum alienato atque aversio iam consecuta est, ut
crebris legationibus reverendissimum meum obturbent, alium pastorem instantissime
sollicitando certissimumque videatur saepe tactum dominum Andream (quem alioqui ob
anteactae vitae laudabilem conversationem ac vigilem pastoralis curae
administrationem libenter pro voto suo accomodatum cuperemus) si in Umbhausen
remittendus foret, non modo nullo spirituali fructu, sed etiam gravi cum dispendio
animarum ibidem perstiturum, ob plurimorum mentes numquam amplius ipsi conciliandas.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|