26. Stephani an Abt Bernhard Gemelich in Obladis [Stams], 16. August 1644 Stephani revidiert seine optimistische Einschätzung vom Zustand Martin Mittnachts und glaubt, dass er bald sterben werde. Experimente mit dessen inzwischen schon gefühllosen Füßen lassen darauf schließen. Ein Bote aus dem Kloster Füssen brachte ein paar Habseligkeiten für Pater Simpert nach Stams. Ad eundem ibidem commorantem 16. Augusti 1644. Reverendissime in Christo pater, observandissime domine

(1) Scripsi ante dies paucos[ERROR: no reftable :] Scripsi ... paucos] Vgl. ep. 25. rationem domini Mittnacht spem mihi prope certam affulgere eundem non modo aegritudine, qua per menses iam conflictatur, nondum periclitari, verum etiam illum desertis rursum grabati molestiis dies adhuc quotiores acturum atque liberius respiraturum. (2) Ceterum immutato nunc rerum statu et ordine spes mea vereor, ne me fallat; iam nam a modico temporis intervallo pectore tenus ita evidenter intumuit, ut communi intuentium iudicio hydropisi turgere credatur. (3) Porro quod mortis periculum iam iam indicat prae ceteris illud est, quod pedes eius

-- F13v --

iam quasi insensiles ac praemortui torpeant omni propemodum sensu tactus destituti, ita ut flabello muscario etiam aliquanto fortius percussi nil sentiant. (4) Cuius rei experimentum ipse ego capturus biduo abhinc eundem visitans pedis soleam, ubi alias maxime sentiri solet titillatio, fricare coepi, ad quod ille non modo pedem non retraxit, verum etiam diserte protestatus est aeque parum ex eo tactu se persentiscere, atque si caro tangeretur aliena. (5) Timeo itaque cum plerisque aliis, ne bonus Mittnacht subito ad vesperam vitae devolutus relicta huius saeculi nocte in regione meliori aeternum meridiem auspicetur. (6) Cupit ille tamen adhuc acidulis aliquantisper frui, quas proinde per harum latorem conductas voluit.

(7) Hisce inclusas attulit nuntius quidam e monasterio Fissensi destinata opera missus, qui simul patri Simperto necessaria quaedam de vestimentis apportavit. (8) Atque his raptim deproperatis una me et omnes oves concreditas reverendissimae pietati vestrae submisse commendo.