25. Stephani an Abt Bernhard Gemelich in Obladis [Stams], 12. August 1644 Stephani bestätigt den Erhalt eines Briefes von Abt Bernhard Gemelich. Er habe daraufhin sofort Johannes Lang, der die Transporte des Klosters leitet, zu sich zitiert und ihn befragt. Es geht um die optimale Anzahl der Wagen, die unter einmal aus dem Etschtal nach Stams fahren sollen. Lang war der Meinung, es sei besser mit fünf als mit zehn Wagen zu fahren. Martin Mittnacht lebt noch immer und lässt den Ab grüßent. Stephani hat ihm die letzte Ölung noch nicht gespendet, er glaubt nicht, dass er sterben wird. Mit den Diensten des Magnus Spaiser ist er nicht mehr zufrieden, stattdessen hat er sich an Herrn Sambsoner aus Silz gewandt. Ad eundem dominum abbatem nostrum acidulis utentem in Lädis, 12. Augusti 1644. Reverendissime in Christo pater, observandissime domine

(1) Litteras reverendissimae pietatis vestrae priores primo mane diei Laurentio [ERROR: no reftable :] diei Laurentio sacrae] Der Gedenktag des Hl. Leurentius ist der 10. August. martyri sacrae accepi, quarum postulatis nuntius noster mox subsecutus, ex parte aliqua utique iam satisfecerit. (2) Posteriores sub noctem eiusdem festivitatis mihi sunt consignatae, quibus utrisque haec pauca in vicem reddo. (3) Operi nostro aurigario praefectum Ioannem Lang illo mox die, quo litteras reverendissimae pietatis vestrae aperui, domo sua ad nos evocatum super his, quae in praedictis litteris iussus fueram, requisivi, qui respondit sui animi sententiam hanc esse; nempe e re monasterii nequaquam fore, si una eademque vice simul decem currus onusti ex Athesi eveherentur tum quod difficulter habituri essent avenam tot equis suffecturam et salis tantam copiam vix distracturi, tum etiam quod integros paene duos dies in Mais onerandis plaustris insumerent, quatuor vero vel quinque currus pro una vectura commode sustineri posse atque tot a se iam conductos. (4) Insuper addidit ex his, qui operam suam hac in re spoponderunt, Ber

-- F13r --

nardum Hagauf-Püringer Silzensem pro rata salarii unum, Claisnerum vero ex Wildermiemingen duos de equis, quos reverendissima potestas vestra venales exponere cogitat, acceptaturos.

(5) Dominus Martinus Mittnacht etiamnum spiritum trahens reverendissimam pietatem vestram multum salvere iubet et acidularum prosperimos successus apprecatur. (6) Is praeterito die Martis sacro quidem epulo, ut nuper scripsi, refectus fuit, unctionem tamen extremam (cum nullum in eo manifestum mortis indicium appareat) suasu meo hactenus adhuc distulit. (7) Quantum exiguitas iudicii mei coniectat, indispositio eius (sententia medici tota ex materie podagrica profecta) periculum saltem proximum nondum habet, sed nimia eius deiectio et pusillanimitas atque (si edicere fas est) aliqualis impatientia vim morbi iusto maiorem repraesentant. (8) Tumor ventris eius ac partium illarum, quae sunt inter scapulas et ascellas, multum notabilis non est, imo quibusdam ne tumor quidem videtur, sed sola carnis obesitas, nunc ob parcam comestionem aliquantum solutioris. (9) Ego certe in eam spem adducor fore, ut non solum reverendissima pietas vestra eum superstitem ac viventem repertura sit, verum etiam ille relicto rursum grabato meliores adhuc dies inter nos sospes et liber sit ducturus. (10) Porro servitiis Magni Spaiser iam amplius non contentus, Sambsoner, textorem in Siltz, nescio cuius instinctu, instanter petiit et suopte peculio conduxit; cui hac in re, ne magis eum contristaremus, refragari non potuimus freti id reverendissimae pietati vestrae adeo contrarium non fore.