Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
244. Stephani an Dekan Johannes Baptista Mohr von Flaurling
Stams, 23. Dezember 1652
Der Dekan von Flaurling, dem Stephani sehr gewogen ist, hat ihn gebeten, für die
kommenden Feiertage einen Priester nach Flaurling zu schicken. Stephani dankt für
das Vertrauen, hat aber zur Zeit keinen Mann zur Verfügung. Vor allem die vielen
Beichtwilligen machen es notwendig, dass alle Stamser zu Hause bleiben und dort im
Einsatz sind. Als Zeichen seines guten Willens will Stephani aber in den letzten
drei Feiertagen einen Priester nach Flaurling schicken.
Ad decanum Flaurlingensem admodum reverendum dominum Ioannem Baptistam Mohr, 23.
Decembris 1652.
Admodum reverende, nobilis et clarissime domine
Officiosam salutem et amica obsequia
(1) Qua erga admodum reverendam et clarissimam dominationem vestram gratificandi
promptitudine semper fui, ea etiamnum sum et maneo devinctus. (2) Ceterum quod
admodum reverenda et clarissima dominatio vestra epistolio nudiustertius ad me dato
petiit unum sibi e religioso collegio nostro sacerdotem Flaurlingam submitti ad
ecclesiacas functiones sacris imminentibus feriis obeundas, sicut mihi oppido
gratulor de confidentia, quam in nostris patribus collocari video, ita liberalissime
praestarem, quod requiror, si modo facultas ne deesset. (3) Sed nam praeterquam quod
concionatores nostri pro diversis sermonibus ad plebem nostram faciendis iam
destinati sint ac distributi, poenitentium tantus per ferias natalitias apud nos
concursus est, quantus nullo anni tempore alio, ita ut vix ac difficulter satis
omnibus facere valeamus, eo praecipue, quod ex confessariis aliqui inter officiorum
solemnia organo et musicae servire debeant, maxime in sacratissimae nativitatis. (4)
Nihilominus tamen ad contestationem meae voluntatis, si pro -- F96v -- tribus saltem
posterioribus feriis, admodum reverendae et clarissimae dominationi vestrae unius
nostrorum servitio et opera circa auscultandas exomologeses uti placeat, submittam
aliquem in festo protomartyris, qui sub meridiem Flaurlingae certo se sistat illo
adhuc vespere, si opus, et subsequente triduo confessiones excepturus. (5) Atque
hisce amicam salutem et officiosum affectum.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|