Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
243. Stephani an Arzt Gerhard Schleiermacher in Innsbruck
[Stams], 2. Dezember 1652
Der Überbringer dieses Briefes, Pater Benedikt Staub, kam am 12. Oktober [1652] nach
Stams und wartete auf die Rückkehr des Abtes. In dieser Zeit wurde er jedoch krank.
Darüber machte er sich größte Sorgen und beschloss, den Arzt in Innsbruck zu
konsultieren. Stephani empfiehlt ihn nun Schleiermacher. Sollte Staub besondere
Arzneien benötigen, sollen die in der Apotheke Winkler auf Kosten der Kongregation
gekauft werden.
Ad doctorem Gerardum Schleirmacher medicum Oenipontanum et physicum monasterii, 2.
Decembris 1652.
Nobilis, clarissime et excellentissime domine
(1) Praesentium exhibitor, venerabilis et doctissimus pater Benedictus Staub,
conventualis Salemitanus et congregationis per superiorem Germaniam secretarius
emeritus, duodecimo Octobris ad monasterium nostrum appulsus est, ubi dum
reverendissimi nostri[ERROR: no reftable :] reverendissimi nostri] Gemeint ist Abt Bernhard
Gemelich. (cui ab epistulis deinceps servi -- F96r -- turus
est) reditum e Bolsano exspectat, ab aliquot hinc diebus, nescio num ex mutatione
aeris an ex insueto potu vini Tyrolensis vel qua alia de causa, scabiem quandam in
capite sibi enatam queritur cetera totus sanus. (2) Quae res eundem (ut senes anxii
sunt) valde sollicitum habet, ne quid contagiosi forsitan in progressu fiat
porrigini aut leprae simile. (3) Quamobrem bonus senecio inter spem et metum
fluctuans malo huic capitis medendo et relevando timori suo Oenipontum adire
constituit consilium et opem quaesiturus, quem excellentiae vestrae tanto studiosius
commendo, quanto eum pro communi bono ordinis iam diu fatigatum et adhuc porro
laborare parantem diutius vivum ac sospitem optaremus. (4) Siquid medicinarum in
eius curam opus fuerit, ex pharmacopaea Winkleri desumi velim sumptibus ex generali
cassa congregationis a reverendissimo meo refundendis. (5) Atque hisce raptim
deproperatis excellentissimam dominationem vestram cum genero suo perhumaniter
saluto nosque una praepotentis Dei adiutorio ferventius committo.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|