21. Stephani an Paul Weinhart in Innsbruck [Stams], 8. Juli 1644 Stephani berichtet Weinhart, dass vor etwa zehn Tagen der Arzt Martin Witting ins Kloster kommen wollte, um medizinische Ratschläge zu erteilen. Keiner der Mönche sprach jedoch mit ihm, da sie lieber auf Weinhart warten wollten. Nur Bruder Johannes Fuchs, der starke Schmerzen hatte, konsultierte den Arzt. Sein Bericht lag dem Brief bei. Stephani selbst hat über starke Rückenschmerzen zu klagen. Ad dominum Paulum Weinhart, medicum serenissimorum principum et civitatis Oenipontanae, 8. Iulii 1644. Nobilis, clarissime et excellentissime domine

(1) Decendium est, vel siquid ultra, cum dominus Martinus Witting per occasionem ex itinere ad nos divertens obsequia nobis sua officiose detulit promptum se paratumque fore aiens, si cui nostrum afflictione forsitan corporali in praesens laboranti consilio suo manuve medica posset occurrere. (2) Verum cum eius adventum operaeque pollicitationem fratribus meis palam denuntiassem eisque, qui super statu valetudinis suae cum ipso conferre vellent, loquendi ius fecissem, nemo fuit (me conscio), qui coram illo aliquid gravaminis deponeret, eo videlicet, quod omnes in excellentiae vestrae adventum votis animisque propensi exspectare vellent dominationem vestram, cui iam pridem bene noti suas quisque necessitates detegerent. (3) Frater Fuxius[ERROR: no reftable :] frater Fuxius] Der Konverse Johannes Fuchs stammt aus Latsch und legte am 28. April 1619 seine Profess ab. Als Maler brachte er dem Kloster über 1300 Gulden ein, ehe er am 28. November 1648 starb (vgl. Album Stamsense Nr. 438). tamen etsi eandem excellentiae suae praesentiam vehementer exoptat, quia tamen malo quodam nunc premitur, cuius neglectus aut dissimulatio posset esse damnosa, ne forte periculum aliquod sit in mora, praeoccupandum sibi censuit et consilium medicum tempestive requirendum. (4) Cuius petitionem ex adiecta ipsius scheda colligere licebit.

(5) Ego diebus aliquam multis molesta quadam corporis indispositione laboro, cruciatu nimirum dorsi, praesertim ex infima parte, ita ut consuetas in choro inclinationes non sine difficultatem

-- F11r --

valeam praestare; qui quidem dolor e dorso transiit ad os supremum dextri femoris, ubi ita crucior, ut aegre sedere queam et vix calceum induere, et cum de nocte cubans in alterutrum latus me vertere cupio, non sine magno doloris sensu dextrum femur quodammodo trahere cogor, perinde sane atque si os illud e sua iunctura luxatum esset. (6) Adhibui heri scarificationem, sed nihil adhuc sentio levaminis. Existimo algentem quendam catarrhum esse, qui sensim suopte motu resolvendus ac dissipandus sit. (7) Atque haec impraesentiarum; plura propositurus, si coram loqui liceret. Excellentia vestra cum omnibus suis amicissima salutata, quam bellissime valeat.