20. Stephani an Elias Staudacher in Hall [Stams], 16. Juni 1644 Stephani bedankt sich, dass die vor kurzem in Hall erstandenen Waren eingetroffen sind. Er bedauert, dass er keine Zeit mehr hatte, Pater Lener im Jesuitenkolleg zu besuchen. Bezahlen wird er die Waren beim Besuch von Staudachers Mutter in Stams, der lange Zeit schon versprochen ist. Ad dominum Eliam Staudacher Halensem, 16. Iunii 1644. Nobilis et eximie domine

(1) Reculas meas Halae nuper[ERROR: no reftable :] nuper] Anspielung auf Stephanis Besuch bei den Markttagen in Hall (vgl. ep. 15,8). coëmptas una cum desideratis voluminibus papyri in doliolum perquam diligenter compactas spe mea citius, 26. scilicet Maii, recta accepi. (2) Fidelem dominationis vestrae industriam vel in hoc uno abunde iam expertus, quippe quae in negotiis etiam tam tenuibus (ut meum illud fuit) quam celerrime maturandis gnaviter adlaboret. (3) Utinam et ego similem manticam scorteam, Halae a dominatione vestra mihi commodatam tempestive remittere potuissem. (4) Sed cum non tam ego meo officio defuerim, quam mihi occasio, veniam huic tarditati facile dandam confido.

(5) Patrem Lener, quem in transitu obvium habuisse

-- F10v --

non memini, in collegio libens salutassem, si per moram licuisset. (6) Vetus vero illa amicitia nostra renovari et confirmari commodissime poterit, si is pro opportunitate proxima coenobium nostrum denuo invisere non detrectarit. (7) Pro transmissis chartis dominationi vestrae in praesens non satisfacio exsoluturus debitum meum, quando eam cum domina matre sua coram videre et alloqui datum fuerit; memor nam sum sponsionis aliquatenus iam factae, qua, proxime quoad fieri poterit, nos invisere et officio solemni pro defuncti parentis anima noviter celebrando interesse sunt polliciti. (8) Haec raptissime. Interea dominatio vestra cum honoranda domina matre sua (cui amicam et religiosam salutem impertitam cupio) suisque omnibus quam optime valeat deque coenobio nostro bene mereri non desistat.