Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
204. Stephani an Albericus Manincor in Salzburg
Stams, 16. September 1651
Manincor scheint Stephanis Fragen nach speziellen Büchern im letzten Brief falsch
verstanden zu haben: Stephani wollte den Preis gewisser Bücher wissen, um dann zu
entscheiden, ob er sie kaufen möchte. Von einem Transport über Hall oder eine andere
Stadt war nicht die Rede. Manincor soll die Finger von der Sache lassen. Die Brüder,
die zusätzlich nach Salzburg kommen, werden sich darum kümmern. Stephani bezweifelt,
dass Manincor viel zusätzliches Geld bekommen wird, und verweist auf sein eigenes
Studium in Ingolstadt, das sehr bescheiden ausfiel. Auch den Genuss von Wein soll
Manincor in einem besseren Licht sehen, denn Bier verdirbt den Magen.
Ad fratrem Albericum Manincor pro tempore Salisburgensem convictorem, 16. Septembris
1651.
Religiose, in Domino plurimum dilecte
(1) Quae mens mea in nuperis[ERROR: no reftable :] in nuperis] Gemeint ist ep. 201.
fuerit circa librorum quorundam conductionem, non recte, ut video, cepisti. (2) An
exemplaria aliquot regulae sancti Benedicti bibliopola in praesens ad manus haberet,
scire avebam et, si specialium quorundam opusculorum pretium mihi cognitum foret,
futurum ut ea compararem, scripsi; (3) ut vero vel haec vel illa actualiter iam
conduceres atque Halam vel aliorsum devehi curares, mihi propositum non erat. (4)
Quare in hoc negotio manum a tabula refiges nec amplius desuper nisi novo recepto
imperio quidquam sollicitabis. (5) Quos ego nominatim libros quorumve taxas
desiderem, duo fratres socii, quos exspectas, syllabo notatum ferent.
(6) Porro quod per largum viaticum, quod istis ministrari rogas, suppetias tibi
quoque ferendas speres, nescio adhuc, quantum te in hoc voto superi beabunt. (7)
Mihi certe, cum Ingolstadii quondam degerem,[ERROR: no reftable :] cum ... degerem] Stephani selbst war
1637 bis 1640 aus Studienzwecken in Ingolstadt. numquam
talis flabat Favonius, qui vel assem unicum aut teruntium ex monasterio ad me
perferret. (8) Felicem etiam me reputassem, si frui licuisset vino quantumvis
compuncto aut maritato nec lugerem modo miserias stomachi, quas cerevisia inflixit.
(9) Interim hisce salutatum te velim atque eo semper intentum, ut spes, quam de tua
diligentia concepi, numquam intereat. (10) Dedi pridie sancti Lamberti ex domo mea
et tua.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|