Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
203. Stephani an seinen Bruder, Prior Laurentius Stephani in Wilten
[Stams], 9. September 1651
Stephani schickt seinem Bruder eine Liste derer, die er im letzten Halbjahr für die
Bruderschaft gewinnen konnte. Er wirbt gerne noch mehr Leute an, bräuchte dafür aber
mehr Formulare. Er selbst will für diese Arbeit keinen Dank. Durch den Pfarrer von
Telfs hat er erfahren, dass es Laurentius gut geht.
Ad fratrem meum Laurentium, Wilthinensium canonicum priorem, 9. Septembris 1651.
Admodum reverende, religiose et clarissime domine prior, frater semper
amantissime
-- F82r -- (1) Mitto rursum indiculum tenuem Marianorum militum, quos a semestri circiter
in perpetui psalterii servitia conduxi plures semper conscribere paratus, dum
fuerint, qui manus et nomina dare velint. (2) Schedulas tamen horarias numero paulo
largiore mihi submitti cuperem vel per harum latricem vel occasione alia
subsecutura. (3) Mercedem meus labor tantillus non meretur. (4) Remuneratum me
credam liberalissime, si Virginis deiparentis honorem per meas exiguas sportulas vel
minimum videro propagatum. (5) De reliquo reverenda admodum dominatio vestra (quam
sospitem vivere atque incolumem ex Telfensi parocho intellexi et gratulatus sum) a
me ter et amplius salutata bene in Domino valeat fratrisque sui in rosario et
altaris libatione memeinisse non desinat.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|