185. Stephani an Kooperator Johannes Schnürlin in Mais [Stams], 21. August 1650 Stephani entschuldigt sich, auf Schnürlins Brief vom Juni nicht geantwortet zu haben. Doch rund um das Fest des Hl. Bernhard gibt es immer sehr viel zu tun. Gesundheitlich geht es Stephani sehr gut. Wenn überhaupt plagen ihn nur kurze Magen- oder Kopfschmerzen. Die Dysenteria, von der Schnürlin berichtet hat, grassiert auch in ein paar Häusern im Oberinntal. Das Fest des Hl. Bernhard wurde gestern stiller als sonst gefeiert, da der Abt zur Kur in Obladis ist. Wäre Schnürlin nach Stams gekommen, hätte er das neue Dormitorium sehen können. Stephani bedankt sich für den Stoff, der für das Ordensgewand geschickt wurde, mit einem Geschenk, das er von Erzherzogin Isabella erhalten hat. Sebastian [Zigl] hingegen lässt Stephani immer noch mit einer Stofflieferung warten. Ad patrem Ioannem Schnürl, cooperatorem sancti Vigilii in Mais, 21. Augusti 1650. Reverende in Christo pater, confrater sincerissime

(1) Iniquius ne ferat reverentia vestra, quod mense Iunio nuntium vestrum, quem emisistis, a litteris vacuum abire permiserim, scribere deside

-- F75v --

raveram et vero etiam certo proposueram, sed non tulit angustia temporis aut occupationum latitudo. (2) Novit reverentia vestra accursum hominum in festo magni praecursoris [ERROR: no reftable :] praecursoris] Gemeint ist der Hl. Bernhard von Clairvaux, dessen Jahrtag am 20. August begangen wird. maximum esse, qui suos expiando animos per confessionem mihi multum laboris facessunt.

(3) Alias (Deo sit laus) a scribendo nulla me invaletudo retraxit, qui per aliquot iam annos nullo tentatus sum morbo ad grabatum prosternente, sed siquid indispositionis quandoque obrepit, infirmitates fere tantum sunt diurnae aut horariae eaeque stomachi vel capitis, neutiquam pedum. (4) Dysenteria, quae apud vos tam nunc violenter grassatur, etiam in superiore Oeni valle per plures iam casas rusticas serpit,[ERROR: no reftable :] serpit] grassatur in rasura. strage tamen, quod sciam, adhuc modica. (5) Esu fructuum confido me numquam dysentericum futurum, quia nam frigido ventriculo meo illos experior non conducere, nuntium illis propediem iam misi ac fere intactos relinquo.

(6) Festum sanctissimi patris nostri[ERROR: no reftable :] sanctissimi patris nostri] Wiederum ist der Hl. Bernhard gemeint. heri in choro quidem pro modulo celebravimus, in foro autem satis quieti fuimus nullam passi molestiam ab hospitibus, absente scilicet reverendissimo,[ERROR: no reftable :] reverendissimo] Gemeint ist Abt Bernhard Gemelich, der zur Kur in Obladis weilt. qui in acidulis etiamnum moratur 22o huius mensis primum ad nos rediturus. (7) Reverentiam vestram si ad confratres suos fecisset excursum, in pace et gaudio excepissem, visura tum fuisset in aedificiis faciem plane novam, in me autem fere antiquam, nisi quod amplius non tam rubicundam.

(8) Materiam pro scapularibus et caputiis mihi ac patri granario deputatum rite accepi, pro qua ut gratias non solum agam, sed aliquatenus saltem etiam referam, inclusum redhibeo munusculum anno superiore a serenissima Isabella profectum. (9) Illam vero pro toga iam duobus plus integris annis exspecto, et quia animum iam prope despondi, patri Sebastiano[ERROR: no reftable :] patri Sebastiano] Gemeint ist Pater Sebastian Zigl. desuper verbum amplius non ingeram. (10) Quodsi reverentia vestra in huius promissoris locum semet ultro substituere vellet ac fidem illius tam dubiam, tam protelatam sponte exsolvere, pergratum mihi foret talis novi fideiussoris vadimonium. (11) Interea reverentia vestra ut bene vivat et valeat opto ac orationis pro me suffragium exposco.