Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
180. Stephani an Abt Bernhard Gemelich in Bozen
[Stams], 20. Mai 1650
Der schon lange ersehnte Lektor der Philosophie ist immer noch nicht in Stams
eingetroffen. An Briefen schickt Stephani dem Abt nur die Briefe der Äbte von Lützel
und Maulbronn nach Bozen, da es in ihnen um die Generalversammlung der Kongregation
geht. Den Novizen Georg Fischer wird Stephani heute entlassen. Stephani hofft, dass
sich die Rückkehr des Abtes nicht verzögert, warten doch einige Brüder in Stams
darauf, geweiht zu werden. Falls sich die Rückkehr doch verzögert, bittet Stephani
um Anweisungen, wie er mit den Brüdern zu verfahren habe.
(1) Exspectavimus et exspectamus conductum philosophiae lectorem patrem conventualem in dies et septimanas, sed hactenus de homine nihil vidimus, nil inaudivimus. (2) Ex litteris, quas a posta diversas accepi, Bolsanum reverendissimae pietati vestrae transmittendas duxi epistulas dominorum Lucellensis et Mulbrunensis [ERROR: no reftable :] Mulbrunensis] Gemeint ist Abt Bernardin Buchinger von Maulbronn (vgl. Ludwig 1984). abbatum, quod in his de celebrando capitulo suam et quorundam aliorum provinciae Alsato-Helveticae praesulum mentem ac sententiam aperiant. (3) Novitium nostrum Georgium Piscatorem[ERROR: no reftable :] Georgium Piscatorem] Gemeint ist der bereits in ep. 179,5 erwähnte Georg Fischer. quia ad constantiam tentatis omnibus flectere et persuadere non praevalemus, hodie religionis habitu exauctoratum manumittere cogimur nec cunctari diutius possumus, nisi velimus et reliquas novellas plantas ab ipso ceu ove morbida seduci et corrumpi. (4) E iudice nostro intellexi reverendissimae pietatis vestrae ad nos reditum omnino adhuc esse incertum, quem nemo praestolatur avidius, quam fratres nostri iuvenes, qui proxima angaria sacris initiari ordinibus sperantes suspirant. (5) Quodsi reverendissimam pietatem vestram ante ferias pentecostes contingat forsitan non reverti atque adeo ipsos a desiderata promotione rursus suspendi, propius nihil est, quam ut pusillanimes fiant ac spiritum tristitiae ossa exsiccante incurrant. (6) Illorum proinde intuitu rogarim reverendissimam pietatem vestram in eventum reditus sui tardioris tribus quattuorve litteris in proximo mihi significare dignetur, quid ratione ordinum de dictis iunioribus in memoratum tempus disponendum; quod dum exspectamus, reverendissimam pietatem vestram interim protectioni ac providentiae divinae precum et sacrificiorum iugi instantia commendamus.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |