181. Stephani an Albericus Manincor in Salzburg [Stams], 11. Juni 1650 Manincors Briefe an Stephani und an Abt Gemelich sind beide angekommen. Den Brief an den Abt wird Stephani bis zu dessen Rückkehr aus Bozen aufbewahren. Stephani gratuliert Manincor zu seinen Fortschritten. Er will sich beim Abt dafür einsetzen, dass es Manincor in den Ferien gestattet ist, seine Familie zu besuchen. Gerüchteweise hat Stephani davon gehört, dass Bruder Candidus [List] keine Fortschritte im Studium macht, und will mehr Informationen über ihn. Er soll den Rektor Romanus und den Präfekt Gregor grüßen lassen. Ad fratrem nostrum Albericum Manincor, studentem Salisburgi, 11. Iunii anno 1650. Religiose in Domino semper dilecte

(1) Accepi nudiustertius, quas postridie Kalendas Iunias ad me Salisburgo ablegasti, una cum adiunctis ab admodum reverendo domino rectore[ERROR: no reftable :] reverendo ... rectore] Gemeint ist Rektor Romanus von Salzburg. ad abbatem directis. (2) Illas legi et revolvi, has penes me servo adhuc occlusas traditurus reverendissimo,[ERROR: no reftable :] reverendissimo] Gemeint ist Abt Bernhard Gemelich. cum is Bolsano (ubi iam inde a feriis paschalibus in negotiis patriae distinetur) ad nos salvus et incolumis remeaverit, cuius tamen praesentia diu gaudere nobis non licebit, quando ad vigesimum huius alius denuo conventus statuum primariorum Sterzingam est indictus.

(3) Quod e caligine ignorantiae paulatim respirare in lucem ac post superatas spinas amoenos capere fructus propediem incipias, oppido tibi gratulor, et ut in studio tuo alacri pergas pede, instanter te hortor. (4) Erit, cum te sudasse et alsisse non paenitebit. (5) Calcar porro tibi additurum me credam, si effecero, ut reverendissimus noster voti tui te damnet et biennio ad litteraturae sacratioris penetralia tibi aditum indulgeat, quam quidem fortunam tibi neutiquam invidebo. (6) Vacationum diebus ut a contentione studiorum temet aliquantisper laxare valeas patriosque cominus salutare penates, apud reverendissimum libens me interponam.

(7) Ceterum quia ante mensem circiter sesquialterum aures nostras tacitus quidam vellicaverat rumor fratrem Candidum[ERROR: no reftable :] fratrem Candidum] Gemeint ist Bruder Candidus List aus Kaisheim. gnavi ac probi religiosi candorem ita propemodum exuisse, ut non in litteris modo progressus faciat nullos, verum etiam morum fecerit dispendium non dulgere, quippe qui non iam amplius inter bonos commilito, sed inter discolos audiat coriphaeus, praefectum vestrum meo nomine secrete rogabis, occasione proxima dominum abbatem vel me de fratris huius statu seriatim per epistulam certum reddere non gravetur, quo ruina ulterior congruis ac tempestivis remediis a iuvene queat praeverti. (8) Hisce

-- F74v --

salutatus salutem denuntiabis admodum reverendo domino rectori et patri Gregorio praefecto, quibus ut morigerum te semper ac dicto audientem praebeas velim.