176. Stephani an Albericus Manincor in Salzburg [Stams], 8. Januar 1650 Der Brief vom Dezember 1649 zeigt, dass Manincor in der Rhetorik schon einige Fortschritte gemacht hat, doch muss Stephani vermuten, dass Manincor ihn nicht selbst geschrieben hat, sondern sich mit fremden Federn schmücken will. Weiters soll er es sich nicht so gut gehen lassen, ein voller Magen passt nicht zu einem Studenten. Die Bemerkung, dass seine Vorgesetzten in Salzburg gleich streng sind wie die in Stams, ärgert Stephani. Er soll sich auch im Schreiben mäßigen. Über die vorgelegten Reisekosten machten sich sowohl der Abt als auch Stephani Sorgen, außerdem soll Manincor über Bruder Candidus [List] berichten, wenn er den Abt nicht verärgern will. Ad fratrem Albericum Manincor Salisburgi studentem, 8. Ianuarii anno 1650. Salutem et anni novi fortunatum auspicium Religiose, in Domino dilecte

(1) Epistula, quam emisisti ad me Kalendis Decembribus, si tuo prodiit e cerebro proprioque est Marte concepta, habeo, quod tibi gratuler, nobis gaudeam, argumento nam est te, cum pedem rhetoricae palaestrae vixdum intuleris, iam aliquem profectum inde reportasse; sin alieno ducta est penicillo et a te solum mendicato quaesita (quod ominari saltem licet, si non palpare) novam inscitiae tuae labem affricas, dum te Aesopicae instar corniculae[ERROR: no reftable :] Aesopicae ... corniculae] Anspielung auf Aesops Fabel vom Raben, der sich mit fremden Federn schmücken möchte. peregrinis vestire plumis attentas. (2) Nec existimes gratas deinceps reverendissimo[ERROR: no reftable :] reverendissimo] Gemeint ist Abt Bernhard Gemelich. aut mihi litteras fore tuas, nisi eas tuopte ex penore viderimus promanasse.

(3) Laute vos in

-- F72v --

convictorio et genialiter vivere intelligo. (4) Nimirum ita fere studiosos fortuna amat. (5) Sed nunc meminisse te oportet philomusos tenui semper victitasse quadra nec bene convenire scientiae cum edacitate, fartus enim venter non gignit sensum tenuem, ut ille quondam aiebat.

(6) Quod superiores tuos, quibus in religione hactenus vitae tuae ratio erat commissa, tacito notas cavillo, dum praefectos et praeceptores, qui modo Salisburgi tibi imperant, severitati in Stambs ais esse persimiles, nescio num id aetatis tuae imprudentiae imputem, an petulantiae; nisi tamen alia de cetero erga superiores modestia in scribendo fueris usus, doceberis et temperare calamum et revereri magistros, sed forsan haud magno tuo commodo. (7) Rationes sumptuum, quos in itinere expendisti, legit quoque ex vindemiis redux reverendissimus noster, non minori cum admiratione, quam ego legeram prius, ex eo capite non bene contentus, quod ne verbo quidem mentionem ullam facias, quid agatur de fratre Candido, quae eius classis, quis profectus, quae vitae ratio etc. (8) Quare nisi domino abbati stomachum ciere velis, proxime de eius statu quidpiam notificabis, quod dum exspecto, salvere te interim iubeo et prosperari in Domino.