115. Stephani an Kooperator Johannes Schnürl in Mais [Stams], 22. Juni 1647 Stephani muss leider von weiteren Todesfällen nach Pater Malachias [Saur] berichten: Auch Bruder Joseph aus Salem, Pater Simon Pergomast und Pater Matthäus [Wilhalm] sind innerhalb weniger Tage verstorben. Weil sich Pater Nivardus [Bardalas] über das Verhalten des Bruders Christoph von Knillenberg erkundigte, sieht sich Stephani zu heftigen Beschwerden diesem Kandidaten gegenüber veranlasst. Aufgrund seiner Faulheit will er ihn eigentlich schon aus dem Kloster entlassen. Wenn es den Eltern gelingt, ihren Sohn zur Vernunft zu bringen, wäre es gut, Stephani sieht jedoch wenig Hoffnung. Johannes Pranthueber und Michael Ramelmayr verlassen die Schule von Stams, Pranthueber will in die Steiermark gehen um eine Stelle in einem anderen Zisterzienserkloster anzustreben; Stephani hegt größte Zweifel. Ramelmayr hat sich so zu seinem Schlechteren gewandelt, dass sein Abgang keinen Verlust für die Schule darstellt. Ad Ioannem Schnürl, operarium ecclesiae in Mais, 22. Iunii 1647. Venerabilis in Christo pater et confrater semper amande

(1) Nuperas meas reverentia vestra, ut intellexi, cum gaudio quidem accepit, sed non sine luctu legit, eo scilicet, quod lugubrem confratris nostri Malachiae [ERROR: no reftable :] confratris Malachiae] Gemeint ist der eben verstorbene Pater Malachias Saur. decessum omnia meliora opinanti nuntiarent. (2) Quodsi telum fuit illa epistula mea nec aliter a vobis excepta, quam ut sagitta saucians, en plura adhuc alia id genus spicula expedio. (3) Credebat reverentia vestra amoenissimo anni tempore et florentissimo mense Maio germina horti

-- F48v --

nostri in plena ubertate virere ac firmis stare radicibus. (4) Verum alia longe apud nos fuit tempestas flante non ut antehac mihi favonio, sed rigido aquilone.

(5) Posteaquam nam praedictus confrater noster Malachias 14to Maii sub caespite caput condiderat, modico intervallo secutus est eum frater Iosephus, conversus Salemitanus, 23to eiusdem mensis morbo epileptico exstinctus, cui lucat cum morte tam atrox et diuturna fuit, qualem ego in nemine mortalium aspexi umquam. (6) Maii 28to bonus seniculus noster pater Simon[ERROR: no reftable :] pater Simon] Gemeint ist Pater Simon Pergomast (vgl. Album Stamsense Nr. 434). idem universae carnis iter ingressus est, non eodem tamen morbi genere, sed sola virium naturalium defectione a vinculo corporis solutus; (7) quo circa vesperum illius diei vix tumulato mox ecce postera luce nova fuerat tumba paranda; comitari etenim praecedentes insuper voluit quartus, pater nimirum noster Matthaeus,[ERROR: no reftable :] pater ... Matthaeus] Gemeint ist Pater Matthäus Wilhalm. qui 29. Maii ipso scilicet privilegio dominicae ascensionis herbam porrexit et gramen momordit, cum prius per aliquot dies ex epilepsi linguam vel insertum cochlear commordisset. (8) Atque sic intra dies non amplius quindecim insatiato illi humani generis belluoni quattuor victimas litavimus, quarum piis manibus et bene precamur et a vobis spiritualem suffragiorum stipem ex debito flagitamus.

(9) Scire avet, ut audio, pater Nivardus,[ERROR: no reftable :] pater Nivardus] Gemeint ist Pater Nivardus Bardalas. quid rerum agatur de fratre Christophoro a Knillenberg, sacrisne iam sit initiatus ordinibus, et qui se hoc temporis gerat in disciplina morum profectuque virtutum etc., ad quod ego pluribus quidem forsan alias ex instituto, nunc vero paucis hoc tantum insinuatum volo, dictum fratrem non modo ordines seu sacros seu minores necdum adeptum, verum etiam eo in statu et conversationis genere positum, ut de ordinibus (ni resipiscat) aeternum somniare non audeat. (10) Quin potius in iis iam iam cogitationibus et consiliis versamur, ut eum tonsura et habitu religionis exutum ac veste laica reamictum in patriam remittendum fore, prope pro concluso teneamus; ut nam de illo nihil immodestius dicam, venter piger est et inutile terrae pondus, a spiritu acediae et gastrimargiae totus insessus, quotidianas superioribus causans curas et labores, cuius et mens et aures ad omnia exhortationum fomenta iam prorsus occalluerunt nec verbis nec verberibus perviae. (11) Parcerem libens optimo eius parenti nec eum tam maesto nuntio contristarem, sed quia praestat tela imminenti praevidere, quo minus aut mitius feriant, celare rem amplius nolui, quae in proximo est, ut reveletur. (12) Si bonus parens ferventi oratione sua et affectuosis precibus in filii salutem quid possit, intervenire apud Deum non negligat, exaudiendus forsitan prae aliis ab eo, qui videt in abscondito.

(13) Ex albo scholarium nostrorum ultro se proripiunt ac temere nomen suum expungunt Ioannes Pranthueber et Michael Ramelmayr, qui nescio quibus persuasionibus seducti discessum ex Stambs

-- F49r --

tanta urgent instantia, ut neque reverendissimus noster [ERROR: no reftable :] reverendissimus noster] Gemeint ist Abt Bernhard Gemelich. in aliam eos sententiam flectere praevaleat. (14) Prior posthabito, quod ante annos aliquot hauserat, proposito religionem nostram intrandi, nescio quam phantasiam concepit de litteris altioribus uspiam prosequendis sperans se Rhunae[ERROR: no reftable :] Rhunae] Gemeint ist das Kloster Rein in der Steiermark. monasterio ordinis nostri in Styria interventu cuiusdam cognati sui, quem inibi habet, conditionem aliquam obtenturum. (15) Sed vereor, ne iuvenis incautus in laqueos se induat et volens in perditionem eat. (16) Posterior a tempore non longo ex morigero discolus, ex diligenti ignavus ac ex toto degener factus, non tantum a studiis animum abiecit, sed et magnam petulantiam imbibit, cervicosus et refractarius ac praeceptorem magis fere ludens quam audiens, inde de abitu illius, utpote parvae frugis, nihil turbor. (17) Atque hic tandem finio precatus reverentiae vestrae liberationem a suo malo hospite, [ERROR: no reftable :] malo hospite] Personifikation der Podagra. nobis vero omnibus tutelam et benedictionem supernam a Domino.