106. Stephani an Paul Weinhart in Innsbruck [Stams], 12. April 1647 Stephani bewundert Weinhart für das beharrliche Ertragen der Fastenzeit. Nach dem Fasten in Stams möchte Stephani einen allgemeinen Aderlass ansetzen. Bei drei Mönchen will er jedoch zunächst den Rat des Arztes einholen: Pater Malachias [Saur] war sehr lange krank, Pater Bartholomäus Hol war im letzten Sommer sehr krank, Bruder Georg leidet schon das ganze Jahr über an zu viel Phlegma. Ad dominum Paulum Weinhart medicum et physicum monasterii nostri 12. Aprilis 1647. Nobilis, clarissime et excellentissime domine

(1) Durum quadrigesimae tempus si excellentia vestra hactenus incolumis decurrit, est, quod gratuler; sin praeter laborem abstinentiae crucem etiam portavit in corpore, arthritidis perferendo assultus, merito condoleo. (2) Ego cum meis confratribus (laus Deo) de superato ieiunio iam prope triumphum cano, crebres quidem hucusque aut paene quotidianas stomachi debilitates perpessus; semper tamen adhuc pro posse eluctando, a custodia grabati sum praeservatus. (3) Ceterum quia in hieme et hunc per dierum esurialium decursum parum boni sanguinis cummulasse me auguror, phlebotomiae remedium mature arripiam, ipsa scilicet octava paschatis die cum asseclis chori mei venam aperturus; alterum vero turbae dimidium sectionem venae instituet Maii quinto vel duodecimo, quem videlicet horum dierum excellentiae vestrae iudicium praetulerit mihique insinuaverit.

(4) Intra coetum porro phlebotomorum quinam

-- F45v --

adnumerandi sint et qui arcendi, consilium exspecto, de tribus potissimum haesitans, patre Malachia [ERROR: no reftable :] patre Malachia] Gemeint ist Pater Malachias Saur. nimirum, patre Bartholomaeo[ERROR: no reftable :] patre Bartholomaeo] Gemeint ist Pater Bartholomäus Hol. et fratre Georgio[ERROR: no reftable :] Georgio] Gemeint ist Bruder Georg Nussbaumer.. (5) Primus post novem mensium gravissimas passiones iam tandem revirescere aliquatenus incipit, sed genibus manuumque iuncturis valde adhuc infirmus. (6) Alter superioris anni aestate prae aliis periculose aegrotaverat, ut notum excellentiae vestrae, nunc vero temporis sanus vivit et vegetus, ac propter moderatioris dietae observantiam, cuius utcumque est studiosus, temperamentum in bona symmetria habere videtur; nihilosecius tamen fortassis illi non obfuerit, quotannis verno saltem tempore modica sanguinis uti minutione. (7) Postremus denique cum capitis defluxionibus ac multo phlegmate per omnem fere anni circulum notorie laboret, ad phlebotomantium censum forte non immerito admitti posset; quia iuvenis tamen ist, annum aetatis vigesimum secundum vix praetergressus, sufficere illi crediderim sectionem unam in vere. (8) Atque his excellentissimae dominationi suae totique adhaerenti familiae cum affectuosa salute illud precor et opto, quod animus gratus optare benefactori melius posset.