Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
105. Stephani an Abt Bernhard Gemelich in Innsbruck
[Stams], 7. April 1647
Am Vortag ist der Fürst von Kempten zuerst nach Füssen abgereist, um weiter nach
Bayern zu ziehen, um dem Kurfürsten seine Beschwerden über die Schwedeneinfälle
vorzutragen. Für den Aufenthalt im Kloster Stams hat er mit Berufung auf einen Brief
des Abtes nichts bezahlt, sondern nur gedankt.
Ad eundem ibidem negotiantem, 7. Aprilis 1647.
Reverendissime in Christo pater, observandissime domine domine
-- F45r -- (1) Movit heri e statione sua, quam diebus apud nos aliquammultis
[ERROR: no reftable :]
aliquammultis] Vgl. ep. 102 und 103. Obwohl der Fürst zwei oder drei
Monate bleiben wollte, reiste er nach drei Wochen wieder ab.
habuit, reverendissimus et illustrissimus dominus
Campidonensis, profectus primo ad monasterium sancti Magni in Rhaetia, inde vero
Bavariam petiturus ad deponendum coram electore querelas suas super accordatione cum
Suecis nuper in summum ditionis suae praeiudicium inita simulque afflictis rebus
suis relevamen aliquod quaerendum. (2) Is circa solvendam nobis pro victu symbolam,
spem nostrorum omnium insigniter elusit, aliud pro beneficiis sibi praestitis non
refundens, quam ponderosum illud monachorum “Deo gratias” aiebat, siquidem ad me
pridie, quam valediceret, a suo rei venatoriae praefecto nuntium sibi Oeniponto
delatum, reverendissimam pietatem vestram nihil ab eo in menstrui sumptus
compensationem exigere, sed totum pro benevola gratificatione condonare, quem ipse
favorem hoc praesertim tempore, quo alias fortuna nimis dura premeretur, patulis
manibus et obviis, ut aiunt, ulnis amplecti se et acceptare inquiebat. (3) Proinde
relicto tantum pro culina et famulitio 7 florenorum honorario carpebat iter, nomen
suum aut debitum pro convictu non aere vel pretio, sed verbis et pollicitis
redimens, usus in fine cuiusdam epistolii, quod ipso abitus sui die ex Nasereit mihi
remiserat, hisce formalibus: (4) Denuo agentes gratias pro omnibus nobis exhibitis
beneficiis et eorum memores, illa alia via aut occasione quacumque refundemus,
nostra simul parata officia reverendissimo domino suo abbati referentes etc. (5)
Alia nonnulla, quae alioqui scribere debebam et volebam, angustia temporis arctatus
praetereo adventum reverendissimae pietatis vestrae cum desiderio exspectans.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|