103. Stephani an Abt Bernhard Gemelich in Innsbruck [Stams], 24. März 1647 Obwohl der Abt ihn dazu beauftragt hat, hat sich für Stephani bis jetzt noch keine günstige Gelegenheit geboten, um den Fürst von Kempten höflich auf die Zahlungen für seinen Aufenthalt anzusprechen. Wenn der Abt darauf bestehe, werde er den Fürsten zur Rede stellen, er glaubt aber nicht, dass dieser ohne zu bezahlen abreisen werde. Anna Perkhoferin ist vor kurzem am ungarischen Fieber verstorben. Oswald String Junior verschied ebenso vor kurzem. Stephani schildert seine letzte Stunde, in der er alle um Vergebung bat, die er beleidigt haben sollte, und sich von allen Freunden, besonders von Abt Gemelich, aber auch von der gesamten Natur Abschied nahm. Ad eundem eodem loci versantem, 24. Martii 1647. Reverendissime in Christo pater, observandissime domine antistes

(1) Iussus ante octiduum a reverendissima pietate vestra cum illustrissimo domino Campidonensi de pretio convictus[ERROR: no reftable :] convictus] Vgl. ep. 102. transigere, fecissem iubentis imperio satis, ut par erat, sed nulla hactenus occasio commode id exsequendi se praesentavit; etsi nam nuper litteras reverendissimae pietatis vestrae praefato principi directas ipse ego ad manus eidem consignarim (quas ille perlectas mox etiam mihi legendas tradidit); quia tamen secus, quam speraveram, nulla ei tunc vel verbo impensae solvendae mentio exciderat, inurbanum nimis videbatur, ut ego citra omnem ansam eundem super dicta conventione interpellarem, cum plus quam certum existimari debeat saepe nominatum praesulem ex Stambs pedem non moturum ante, quam pro convictu legitime satisfecerit. (2) Quodsi tamen reverendissima pietas vestra iudicet contra decorum non agi, si ultro etiam irrequisiti nos ingeramus, pro refusione expensarum determinatum computum exhibentes, faciemus via et modo meliore, quod iussio dictaverit.

(3) Ex subditis territorii nostri elapsis octo diebus personas duas mors rapuit, vix tridui morbo decumbentes. (4) Altera erat Anna Perkhoferin, quae a multis annis ad portam nostri monasterii panes similagineos et varii generis obsonia vaenum exposuerat. (5) Haec aestu vehementi (qualis in febre Ungarica) subito correpta tertium, non amplius, diem supervixit, in eo prudens et provida, quod mature domui suae disposuerit ac mysteriis, quae ecclesia moribundis decrevit, omnibus se fecerit praemuniri.

(6) Alter fuit Oswald Strigl iunior, qui eodem fere morbi genere, ar

-- F44r --

dore scilicet intrinseco extinctus vitam clausit fine valde pio et Christiano, usum rationis et linguae retinens ad ultimum fere agonis quadrantem. (7) Is hora fatali appropinquante, posteaquam animam suam aeternitatis limen iam iam ingressuram Deo instantius commendasset, vale suo nomine dici iussit cumprimis reverendissimae pietati vestrae, tamquam in mediato suo domino territoriali, dein mihi et venerabili conventui, iudici et scribae ac universo monasterii famulitio. (8) Exinde totius territorii homines obtestari coepit, siquem verbo umquam aut facto offendisset, veniam darent atque ignoscerent humiliter deprecanti. (9) Demum etiam ad creaturas inanimes conversus valefecit soli et aeri, herbis et gramini, foliis et arboribus ac omnibus creatis, quorum fruitione gavisus hactenus fuisset super terram, tandemque post gratias conditori suo peractas parto cibo et potu, pro re familiari aliisque sibi diebus vitae suae clementer subministratis spiritum efflavit in festo sancti patris nostri Benedicti.[ERROR: no reftable :] festo ... Benedicti] 21. März. (10) Verum missis tristioribus naeniis litteras finio ac reverendissimae pietati vestrae me totum quantum commendo.