Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
In beati quoque pontificis Gregorii uita legimus, cum corpus Dominicum cuidam
foeminę sumendum offerret, quę panes ipsos, quos ille consecrabat, facere
consueuerat, incredula renuebat accipere, quod diceret nequaquam esse illud
corpus Domini, sed panem, quem ipsa suis manibus formauerat, ipsa coxerat.
Tunc pontifex ęgre ferens infidelitatem mulieris orauit Dominum, et panis
species uersa est in speciem carnis. Rursum orauit, atque ubi pristina
sacramento facies rediit, credenti iam ac poenitenti illi obtulit.
Experimento credidit mulier. Quod si absque eo credidisset, multo maius
fidei sibi meritum accessisset. Beati enim, qui non uiderunt, et
crediderunt.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|