Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Stephanus, presbyter Constantinopolitanus, caput foeminę hostia sacra
contingens, ab ea demonem, a quo uexabatur, expulit. Quę liberata dixit sibi
tunc uisum fuisse, quod ille puerum nudum ac uiuum uertici supponeret suo.
Dubitari posset, ne commentum confixerint, si secuta sanitas non faceret
fidem. Panem quippe malignus ille spiritus minime timuisset, sed ipsum ferre
nequiuit, qui panis figuram nobis pręfert. Puer ergo terruit demonem et
fugauit, ut, si foeminę uerbis non credimus, operibus Christi credamus.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|