Vrancic, Antun (1504-1573) [1553]: Iter Buda Hadrianopolim, versio electronica, Verborum 10368, ed. Laszlo Szalay [genus: prosa oratio - itinerarium; prosa oratio - diarium] [numerus verborum] [vrancic-a-iter.xml].
Si vis in lexico quaerere, verbum elige et clavem 'd' in claviatura preme.
Karontem sequitur Zalonkemen et Titulium, arces cum oppidis ex opposito invicem
Danubio utramque interfluente alveo latissimo sitae, eaque erat ditionis regiae,
haec habebat praepositum, tantoque Titulium Zalonkemeno integrius et frequentius
esse cognovimus, quanto de Karonte dixeramus, sed id quidem ex auditu, quia sub
ipsis muris Zalonkemeni 295 transivimus, Titulium a
longe inspeximus. Nec refert de ruinis, excidioque, ut putamus, dicere, quia
cuncta ruinae, desolatio et solitudo habet. Hoc tantum adjiciendum duxi, quod
Tibiscus amnis ex Carpato monte per comitatum primo Maromarusianum fluens,
deinde per Cumanorum campos in superiore Pannonia sitos lapsus, Titulii alluit
promontorium, quod habet in dextro latere. Inde paulo ultra cursu provectus et
in paludes sparsus, uno tandem ostio, Zalonkemeno opposito in Danubium cadit.
Adjacet in hoc loco Titulio longior quaedam quam latior palustris planities,
eaque adeo humilis et depressa est ut quotiens vel Danubius vel Tibiscus
excreverit, aquis tota occupatur. Haec idonea esse potest usibus bellicis, quod
aliquando memini me audivisse.
Vrancic, Antun (1504-1573) [1553]: Iter Buda Hadrianopolim, versio electronica, Verborum 10368, ed. Laszlo Szalay [genus: prosa oratio - itinerarium; prosa oratio - diarium] [numerus verborum] [vrancic-a-iter.xml].
|