(2) Mense autem Februario anni currentis earundem statutorum apographum transmisit mihi reverendissimus dominus Caesareensis[ERROR: no reftable :] reverendissimus ... Caesareensis] Gemeint ist Abt Benedikt Hein von Kaisheim. iudicium meum ac censuram desuper expetens, quam tamen tunc temporis ferre non potui, quippe toto quadrigesimae decursu in conventu statuum provinciae Bolzani detentus ac primum octiduo post pascha domum reversus.

(3) Ceterum meam ego ut sententiam super dicta statutorum compilatione paucis edicam, calculo reverendissimorum dominorum abbatum Bavariae per omnia subscribo, unici tantum cuiusdam articuli exceptione, quod nimirum sperem visitationem annuam penes meum coenobium non ita stricte ac rigorose prosequendam, quin sufficiat per triennium bis illud visitari ob distantiam ordinarii visitatoris ac exinde consurgentes satis notabiles sumptus, qui mihi incumbunt. (4) Rem mihi pergratam praestiterit reverendissima amplitudo vestra, si procuratori nostro Romano sportulam annuam 15 florenorum nomine monasterii mei persolveret, qui ipsemet vix ullam scirem occasionem eiusmodi collectam Romam dirigendi. (5) Interea amplissimam dominationem vestram post affectuosissimam salutem praepotentis Dei favoribus impense devoveo, ex Stambs feria tertia pentecostes seu 19. Maii anno 1671.