Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
-- F184r -- Ad eundem in vindemiis, 29. Octobris 1661.
Reverendissime in Christo pater, observandissime domine domine
(1) Litteris reverendissimae pietatis vestrae 14. Octobris ad me exaratis superiore
iam septimana respondendum fuerat, verum gravi catarrho ac cerebri infirmitate
praepeditus exspectatione satisfacere tum non potui. (2) Super consecrationem
altaris ad sanctum Martinum in Mais, si reverendissima pietas vestra tenuitatis meae
iudicium requirat, existimem reverendissimam pietatem vestram nullatenus se ingerere
posse, tum quia privilegium Innocentii VIII., a quo abbates ordinis nostri altaria
consecrandi potestatem primitus acceperunt, hanc licentiam expresse restringit ad
loca et domos ordinis, ita ut nec ipsimet generali domino Cisterciensi
[ERROR: no reftable :] ipsimet ...
Cisterciensi] Gemeint ist Generalabt Claude Vaussin. et
quattuor primis coabbatibus aliter haec facultas concessa sit, quam intra monasterio
eiusdem nostrae religionis; tum quia cum in ecclesia Maisensi episcopo Tridentino
ius visitandi competat idque statis annis episcopales nemine refragante re ipsa
exerceant, videtur etiam munus consecrationis altarium ibidem erigendorum eisdem
privative convenire. (3) Ceterum cum reverendissima pietas vestra Tridenti insignem
patronum habeat, perillustrem dominum comitem de Thun, qui saepius iam officia sua
et ore et calamo paratissima obtulerat, ab ipso rem via delegationis facillimo
negotio impetrari posse confiderem.
(4) Reverendus pater Samuel quaerela quadam aures reverendissimae pietatis vestrae
obturbabat, non admodum necessaria, satius enim reditum reverendissimae pietatis
vestrae exspectasset, quae absens absenti et contra absentem vix ius dicere poterit.
(5) Bonus pater nescio qua ludendi prurigine inescatus, si modo socios suae
voluntatis inveniret, omni propemodum die ac nocte lusitaret. (6) Suo proinde
infortunio imputet, quod nuper collusorem offenderit parum modestum ac mordacem,
cocum videlicet nostrum, qui sera nocte
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|